Á endanum er það glórulaus vítaspyrnudómur sem réði úrslitum í þessum frábæra fótboltaleik.

Þarf ekki að spyrja að því eftir þennan leik. Auðvitað vítaspyrnan sem aldrei átti að vera.

Breiðablik fer áfram í átta-liða úrslitin í Mjólkurbikarnum. á meðan Stjarnan situr eftir með sárt ennið.

Dómarateymið fær þetta. Að mínu mati ekkert brjálæðislega illa dæmdur leikur áður en kemur að vítaspyrnunni, en hann var ekki sérlega vel dæmdur heldur. Svo kemur þetta atvik og í svona leik má þetta bara ekki gerast. Það er bara þannig. Svo er hægt að tala um einhverja aðra mögulega vítaspyrnudóma í leiknum en þessi ákvörðun breytir allri dýnamíkinni og ræður að lokum úrslitum. Dómarar eiga ekki að gera það, fótboltinn á að ráða úrslitum.

Því miður. Með lélegri ákvörðunum sem maður hefur bara séð í fótbolta. Dómarateymið allt verður að gera betur í þessu atviki. Ákvörðun sem ræður úrslitum og verður til þess að Stjarnan er úr leik og Breiðablik fer áfram.