SKÝRSLAN: Kátt á Brekkunni
Hvað réði úrslitum?
KA hóf leikinn af miklum krafti en aftur á móti var lítil sem engin mótspyrna frá Fylki. Rúnar Páll gerði þrefalda breytingu í hálfleik sem breytti miklu en það var orðið of seint.
Bestu leikmenn
1. Daníel Hafsteinsson
Frábær leikur hjá honum í dag. Skorar góð mörk. Fljótur að átta sig í seinna markinu þegar hann skorar eftir að Hallgrímur Mar klikkaði á vítaspyrnu.
2. Sveinn Margeir Hauksson
Þetta var erfitt val, margir sem komu til greina. Sveinn Margeir kemur KA yfir snemma leiks og hefði átt að skora annað þegar hann skýtur í slá á nánast opið markið. Hallgrímur Mar er alltaf hættulegur, væntanlega ósáttur með sjálfan sig að klikka á víti. Matthias Præst Nielsen var besti maður Fylkismanna og átti markið svo sannarlega skilið.
Atvikið
Fjórða markið hjá KA gerir út um leikinn. Fylkismenn gerðu hrikalega vel að koma sér inn í leikinn en KA refsaði Fylki að ná ekki inn jöfnunarmarkinu. Sterkt fyrir norðanmenn að Viðar Örn sé farinn að koma að mörkum
Hvað þýða úrslitin?
KA loksins komið með sigur á töfluna en Fylkir leitar enn eftir sínum fyrsta sigri.
Vondur dagur
Fylkis liðið kom bara alls ekki til leiks í fyrri hálfleik. KA herjaði vel á Aron Snær Guðbjörnsson sem átti erfitt uppdráttar í bakverðinum í fyrri hálfleik en Rúnar breytti um taktík og Aron stóð sig vel í miðverðinum og skoraði mark.
Dómarinn - 8
Leyfði leiknum að fljóta vel. Hárrétt að dæma víti á Fylki. KA vildi fá aðra vítaspyrnu í síðari hálfleik en Pétur gerði rétt að mínu mati að dæma ekki.