SKÝRSLAN: Tréverkið og Árni Marinó
Hvað réði úrslitum?
Það var tréverkið og Árni Marinó. Þetta var gríðarlega opinn leikur, færi á báða bóga og í raun ótrúlegt að það hafi ekki verið skorað fleiri mörk. Árni Marinó á síðan algjörlega sturlaða vörslu þegar Viktor Bjarki er í dauðafæri og lokaspark leiksins endar með að Árni ver.
Bestu leikmenn
1. Árni Marinó Einarsson (ÍA)
Árni átti hörku leik og þessi markvarsla í lokin er algjört æði. Fyrir hana þá hefði ég vilja velja tréverkið mann leiksins, en Árni átt líka nokkrar aðrar góðar vörslur.
2. Fred Saraiva (Fram)
Þetta var rosalega erfitt val, þar sem nokkrir koma til greina. Fred var valinn maður leiksins á vellinum, hann á stoðsendingu og var flottur í leiknum þannig ég gef honum þetta. Honorable mentions: Magnús Ingi, Gummi Magg, Viktor Jóns og Hinrik Harðars
Atvikið
Varslan hjá Árna Marinó, það var bara svaka moment. Má lesa um það hér fyrir ofan.
Hvað þýða úrslitin?
Fram er í 4. sæti deildarinnar eftir 7 leiki með 12 stig. ÍA er í 6. sæti með 10 stig.
Vondur dagur
Greyið stangirnar upp í Úlfarsárdal. Þær eru líkast til ennþá að hristast því ég er einfaldlega ekki með tölu á því hversu oft var skotið þær. Enginn leikmaður sem átti eitthvað sérstaklega slæman dag, bara margir óheppnir að hafa ekki sett boltan réttu megin við tréverkið.
Dómarinn - 9
Vel dæmt, gulu spjöldin rétt. Leyfði leiknum að fljóta vel og það var harka í leiknum þannig þetta var alls ekki auðveldur leikur að dæma.