Í beinni á Youtube

Hemmi spenntur fyrir verkefninu í dag Hermann Hreiðarsson, þjálfari ÍBV, tjáði sig um komandi leik í viðtali eftir jafntefli gegn Þór á mánudag.

„Mér líst mjög vel á það verkefni, eins og allt annað. Við hlökkum bara til, það skemmtilegasta er að spila leikina. Þeir hafa byrjað gríðarlega vel og eru með hörkulið. Við höfum nokkra daga til að undirbúa okkur fyrir þann leik og við mætum alveg 100% klárir í þann slag," sagði Hemmi.

Gunnar Heiðar mætir uppeldisfélaginu í fyrsta skipti Gunnar Heiðar Þorvaldsson þjálfari Njarðvíkur mun mæta uppeldisfélagi sínu, ÍBV í fyrsta skipti í dag. Hann var spurður út í það í viðtali eftir leikinn gegn Þrótti R.

„Það verkefni leggst frábærlega í mig. Ég hlakka ótrúlega mikið til að fá vini mína í Eyjum til mín. Það verða alls konar tilfinningar í gangi, en þetta er bara einn leikur af þeim sem við þurfum að taka í þesari deild."

„Vonandi verður sól og blíða og algjört partý eftir leik."

„Ég get alveg viðurkennt það að þetta verður mjög sérstakt að vera hinu megin á vellinum á móti ÍBV. Það verður mjög skrítið, hef aldrei gert það á ævinni."

„Ég hef aðeins hugsað um þetta síðustu daga að það fer að styttast í þetta. Þetta verður erfitt fyrir mig, ég get alveg viðurkennt það," sagði Gunanr Heiðar við Fótbolta.net eftir sigur gegn Þrótti um helgina.

Innbyrðis viðureignir Þessi félög hafa ekki oft mæst en hafa þó mæst 8 sinnum í mótsleik á vegum KSÍ samkv. vef KSÍ.

Njarðvík hefur aldrei unnið ÍBV.
ÍBV hefur fjórum sinnum (50%) haft betur.
Liðin hafa þá gert fjögur (50%) jafntefli.

Þriðja liðið Gunnar Freyr Róbertsson heldur utan um flautuna hér í dag og honum til aðstoðar verða Jovan Subic og Ronnarong Wongmahadthai.
Þórður Georg Lárusson er þá eftirlitsdómari.

Njarðvík Njarðvíkingar eru heitasta lið deildarinnar um þessar mundir. Þeir eru með fullt hús eftir þrjár umferðir.
Njarðvíkingar hafa sigrað Leikni, Dalvík/Reyni og Þrótt R. í fyrstu þrem leikjum sínum og koma því fullir sjálfstrausts inn í leikinn í dag.

ÍBV verður stærsta prófraun liðsins til þessa en Eyjamenn féllu úr Bestu deildinni á síðasta tímabili og verður áhugavert að sjá hvernig Gunnar Heiðar vegnar gegn sínum gömlu félögum.

ÍBV Eyjamenn sitja í 5.sæti deildarinnar fyrir þessa umferð með 4 stig. Þeir hafa prufað allar niðurstöður í fyrstu þrem leikjum sínum. Tap í fyrsta leik gegn Dalvík/Reyni, sigur gegn Þrótti R. og jafntefli gegn Þór Ak. í síðasta leik.

Það verður áhugavert að sjá hvernig þeir koma til leiks gegn heitasta liði deildarinnar í Njarðvík í dag.

Heil og sæl! Verið hjaranlega velkomin til leiks á Rafholtsvöllinn í Njarðvík þar sem heimamenn í Njarðvík taka á móti ÍBV í 4.umferð Lengjudeildar karla.