Keflavík lagði þetta aukaprósent á sig til að sigla sigrinum heim við erfiðar aðstæður. Þessi leikur var aldrei að fara að verða einhver sýning á fótboltalegum gæðum og gerði Keflavíkurliðið það vel á köflum að spila með aðstæðum en ekki gegn þeim.

Mér fannst gaman að sjá Óla Njál dómara leiksins eiga rólyndisspjall við ungan boltastrák sem missti bolta inn á völlinn sem leiddi af sér að stöðva þurfti sókn Þróttar. Mér í það minnsta stökk bros á vör og hugsaði með mér að einhverjir dómarar hefðu nú örugglega orðið frekar pirraðir. Óli aftur á móti klappaði drengnum bara á öxlina og átti við hann stutt spjall og leikur hélt svo áfram.

Keflavík lyftir sér upp úr botnsætinu og upp í það níunda með þrjú stig. Þróttur fellur á móti niður í það tíunda með eitt stig,

Ólafur Kristjánsson og hans teymi. Við erum komin fram í sjöttu umferð mótsins og lið Þróttar er enn án stiga. Lið sem að öllu eðlilegu ætti að vera í baráttu um sæti í efri hluta deildarinnar hefur ekki sýnt það sem á að búa í því til þessa og hlýtur það að valda Ólafi og co gríðarlegum hausverk að reyna að finna svörin.

Góður leikur hjá Óla og hans teymi. Ekkert upp á hann að kvarta í dag.