Sölvi Haraldsson @Breiiiiiiiiiii

Textalýsing Skýrslan Viðtöl

Hvað réði úrslitum? Eftir afar jafnan fyrri hálfleik var nokkuð ljóst að við værum að fara að fá svipaðan seinni hálfleik. Framarar fengu fullt af góðum stöðum en fóru illa með þær. Í eitt skiptið töpuðu þeir boltanum á mjög klaufalegum stað sem Blikarnir nýttu sér og skoruðu úr skyndisókn. Það er kannski það sem skóp þennan sigur hjá Blikum. Gæðin á þriðja vallarhelmingnum. En síðan fá þeir auðvitað gefins mark alveg í restina sem hjálpaði þeim vissulega og þá bættu þeir við. Samt sem áður alls ekki 4-1 leikur. Bestu leikmenn 1. Viktor Karl Einarsson, Breiðablik Viktor Karl. Hiklaust. Skorar tvö og leggur upp. Heilt yfir mjög góður leikur hjá miðjumanninum í dag. 2. Höskuldur Gunnlaugsson, Breiðablik Klárlega geggjaður í dag. Fannst hann gera mjög vel á miðsvæðinu og leysti erfiðar stöður á vellinum. Fyrirliðinn geggjaður í dag. Atvikið Tvö atvik. Það fyrra var í upphafi síðari hálfleiks þegar Blikar vildu víti. Það er traðkað ofan á Kidda Jóns sem fer niður en ekkert dæmt. Hafliði Breiðfjörð náði mjög góðum myndum af því. Fannst þetta fyrst ekki vera víti en eftir að hafa séð myndirnar breyttist sú skoðun. Hitt atvikið er þriðja mark Blika þegar Viktor Karl kemur með ömurlegt skot beint á Ólaf í markinu sem missir hann inn.

Hvað þýða úrslitin? Blikar eru núna búnir að minnka muninn í Víkinga í þrjú stig og fara í annað sætið. Framarar missa Blika 6 stigum frá sér og sitja í 6. sætinu. Vondur dagur Verð að velja Ólaf Íshólm í markinu. Hann var búinn að eiga fáranlega góðan leik fannst mér áður en hann gerir sig sekan um hræðileg mistök sem gera nánast út um leikinn. Slakt skot frá Viktori Karli beint á hann sem hann missir klaufalega í netið. Dómarinn - 8 Bara mjög vel dæmdur leikur heilt yfir hjá Ella og teyminu. Mögulega klikkaði hann á vítinu en annars bara fáranlega vel dæmdur leikur. Eins og flestir þeir leikir sem Elli hefur dæmt í Bestu í sumar.