Njarðvíkingar fara með stórsigur hér gegn Þór! Viðtöl og skýrsla væntanleg seinna í kvöld!

FRAMHJÁ!!

Þór fær vítaspyrnu! Erlendur Guðnason brotlegur í baráttunni gegn Rafael Victor.

Amin Cosic hleypur á vörn Þórsarar og á skot em Aron Birkir ver fyrir fæturnar á Freysteini Inga en nær ekki að koma boltanum á markið og hann fer framhjá! Þetta hefði getað klárað leikinn fyrir heimamenn.

Birkir Heimisson tekur aukaspyrnu sem fer af veggnum og fellur fyrir Hermann Helga en skotið framhjá!

Þórsarar að reyna komast í gegnum þéttan múr Njarðvíkinga en Aron Snær kemur vel út á móti.

Joao Ananias með flotta takta og með stórhættulega fyrirgöf inn á teig Þórsara sem Aron Birkir heldur. Þórsarar keyra hratt upp og Aron Snær keyrir niður Ingimar Arnar sýndist mér en flaggið fór á loft og bjargar honum þar.

Oumar Diouck með frábæran sprett og fíflar Kristófer upp úr skónnum áður en hann nær fínu skoti sem Aron Birkir ver virkilega vel. Dominik Radic reynir við frákastið en boltinn fer yfir markið.

Þórsarar að hóta jöfnunarmarki! Ingimar Arnar með skot sem Sigurjón Már nær að henda sér fyrir.

Njarðvíkingar aðeins að ná að lyfta liðinu ofar á völlinn eftir að hafa verið þrýst heldur neðarlega af Þórsurum.

Þórsarar mætt grimmir til leiks í síðari hálfleik.

Ingimar Arnar með flottan bolta fyrir markið og Þórsarar ná skoti að marki en Sigurjón Már nær að vera fyrir.

Þórsarar að skapa sér flott færi en Rafael Victor dæmdur brotlegur.

Leikurinn er stopp á meðan Aron Ingi Magnússon liggur eftir og þarfnast aðhlyningar. Þórsarar ekki sáttir og vilja sjá einhver spjöld fara á loft.

Þórsarar í frábæru færi og sýndist það vera Egill Orri sem nær skoti að marki sem fer í Rafael Victor og aftur fyrir! Er ekki viss um að staðan hefði haldist eins ef þetta hefði ratað á markið.

Dominik Radic sparkar okkur af stað aftur.

Njarðvíkingar leiða með tveimur mörkum í hálfleik og hafa litið vel út. Veðrið er aðeins að stríða okkur hérna og ekki fallegur fótbolti oft. Tökum okkur stutta pásu

+1 Njarðvíkingar að komast í flotta stöðu en Dominik Radic fær dæmt á sig hendi.

Rafael Victor fær boltann rétt fyrir utan sex metra línuna á vítateignum og á skot sem Aron Snær ver vel! Stuttu seinna lenda Njarðvíkingar aftur í vandræðum í öftustu línu en Rafael Victor nær ekki að refsa sínum gömlu félögum.

Kaj Leo með fyrirgjöfina og Þórsarar skalla í horn.

Þórsarar dæmdir brotlegir í teignum og Twana flautar um leið og hornspyrnan var tekinn. Njarðvíkingar fá aukaspyrnuna.

Þórsarar fá hornspyrnu.

Kristófer Kristjánsson kemst upp að endamörkum en fyrirgjöfin beint í hendurnar á Aroni Snær.

Njarðvíkingar taka aukaspyrnu úti á velli virkaði mjög hættulítil en Aron Birkir missir hann aftur fyrir. Njarðvíkingar hinsvegar ná ekki að nýta sér hornið að einu viti.

Njarðvíkingar í lofandi sókn en flaggið á loft Kaj Leo til mikillar gleði sem lætur aðstoðardómarann heyra það.

Njarðvíkingar skora en flaggið á loft.

Oumar Diouck sér Aron Birki standa langt úr markinu og er með heiðarlega tilraun frá miðlínu en vindurinn skemmir fyrir.

Kenneth Hogg með flottan bolta fyrir markið sem Oumar Diouck tekur viðstöðulaust á fjær og rétt framhjá! Njarðvíkingar fá horn sem dettur niður á sex metrunum en Aron Birkir nær að kasta sér á boltann.

Völlurinn blautur og óútreiknalegur. Verður áhugavert að sjá hvernig leikurinn mun þróast.

Þórsarar pressa Njarðvíkinga vel.

Gestirnir byrja með boltann.

Kristinn Pálsson varð Íslandsmeistari á miðvikudagskvöld þegar lið hans, Valur, lagði Grindavík í oddaleik í körfuboltanum. Njarðvíkingurinn Kristinn er spámaður umferðarinnar. Njarðvík 1 - 0 Þór Ak Aron lokar markinu og Gunnar Heiðars army setja eitt i skyndisokn þar sem Oumar Diouck skorar og Njarðvik heldur leið sinni afram upp í Bestu deildina. Rabbi Vilbergs heldur áfram að gera góða hluti í Njarðvíkunum. Shout out á Aron markmann búinn að vera frábær.

Twana Khalid Ahmed mundar flautuna hér í kvöld og honum til aðstoðar verða Hreinn Magnússon og Ronnarong Wongmahadthai. Þórður Georg Lárusson er eftirlitsmaður.

Eftir fjórar umferðir sitja Njarðvíkingar á toppi deildarinnar ásamt Fjölni með 10 stig. Njarðvíkingar hafa sigrað þrjá og gert eitt jafntefli. Njarðvíkingar sigruðu fyrstu þrjá leiki sína gegn Leikni R, Dalvík/Reyni og Þrótti R áður en ÍBV náði í jafntefli gegn þeim í síðustu umferð. Oumar Diouck er markahæstur í liði Njarðvíkinga með þrjú mörk. Njarðvík hefur skorað sex mörk og aðeins fengið á sig eitt.

Eftir fjórar umferðir sitja Þórsarar í 4.sæti deildarinnar taplausir með einn sigur og þrjú jafntefli. Þórsarar hafa byrjað á hörku prógrammi og mætt Þrótti R, Aftureldingu, ÍBV og Keflavík. Sigfús Fannar Gunnarsson og Rafael Victor hafa skorað tvö mörk hvor og eru markahæstir í liði Þórs eftir fjórar umferðir. Þór hafa skorað sjö mörk og fengið á sig fimm þar sem af er móti.

Verið hjartanlega velkomin í þessa þráðbeinu textalýsingu frá Rafholtsvellinum þar sem topplið Njarðvíkur fær Þór Akureyri í heimsókn.