Styttist í þetta Liðin ganga nú inn á völl og tilbúin í að leikurinn fari fljótlega að hefjast. Víkingar að venju í alsvörtum búinngum með mjóum rauðum röndum. Gestirnir í FYlki í appelsínugulum treyjum og sokkum og svörtum buxum.

Slkagamenn skeggræða Skagamennirnir Þórður Þorsteinn dómari og Arnar Gunnlaugsson þjálfari Víkings ræða málin fyrir leik.

Ekroth veikur Ég var að fá uppfærslu frá Víkingum. Oliver Ekroth átti að byrja hjá Víkingum í dag en vaknaði lasinn í morgun svo hann getur ekki tekið þátt að þessu sinni.

Byrjunarliðin - Ekroth, Pablo, Djuriic og Davíð út hjá Víkingum Byrjunarliðin eru klár hér til hliðanna. Víkingur gerði 1 - 1 jafntefli í síðasta leik gegn Breiðabliki á fimmtudagskvöldið. Frá þeim leik gerir Arnar Gunnlaugsson þjálfari liðsins fjórar breytingar.

Oliver Ekroth, Pablo Punyed, Danijel Dejan Djuric og Davíð Örn Atlason fara út og í þeirra stað koma Erlingur Agnarsson, Gísli Gottskálk Þórðarson, Karl Friðleifur Gunnarsson og Valdimar Ingimundarson. Pálmi Rafn Arinbjörnsson er áfram í markinu vegna meiðsla Ingvars Jónssonar. Ekroth er ekki í leikmannahópnum en enn á eftir að fá skýringar á fjarveru hans, hinir þrír eru á bekknum.

Fylkir vann HK 3 - 1 á heimavelli í síðustu umferð síðastliðið mánudagskvöld. Frá þeim leik gerir Rúnar Páll Sigmundsson eina breytingu. Orrri Sveinn Segatta kemur inn fyrir Birki Eyþórsson sem tekur út leikbann.

Völlurinn skoðaður Dómarateymið er fyrst út á völl til að fá tilfinningu fyrir grasi, veðri og vindum. Það blæs hressilega framan á stúkuna í Víkinni, engin úrkoma og 7 stiga hiti. Það er kominn júní og veðurguðirnir stefna ekki á að verða okkur hliðhollir næstu dagana.

Þeir bestu gegn þeim slökustu Hér í dag mætast besta og slakasta lið deildarinnar þegar tekið er mið af stöðutöflunni eftir fyrstu 8-9 umferðirnar.

Heimamenn í Víkingi eru í toppsætinu með 22 stig eftir 9 umferðir. Hafa unnið sjö leiki, gert jafntefli viið Breiðablik í síðustu umferð og tapað gegn HK.

Gestirnir í Fylki hafa farið þveröfuga leið. Þeir hafa leikið einum leik minna, 8 leiki og eru með 4 stig. Þeir eru í botnsætinu, hafa tapað sex af þessum átta leikjum en gert jafntefli við Val og unnu HK í síðustu umferð.

Spámaðurinn Íslandsmeistarinn Jóhannes Berg Andrason er spámaður umferðarinnar. Hann varð Íslandsmeistari í handbolta með FH eftir sigur á Aftureldingu.

Víkingur 5 - 0 Fylkir
Þetta verður öruggur 5-0 sigur Víkinga, mínir gömlu menn alltof góðir um þessar mundir.

Skagamaðurinn Þórður Þorsteinn Þórðarson dæmir leikinn í dag. Hann er með þá Birki Sigurðarson og Bryngeir Valdimarsson sér til aðstoðar á línunum. Helgi Mikael Jónasson er skiltadómari og KSÍ sendir gamla varaformanninn Gylfa Þór Orrason til að hafa eftirlit með störfum dómara og umgjörð leiksins.

Leikdagur í Víkinni Góðan daginn og verið velkomin í beina textalýsingu frá Víkinni.

Hér mætast Víkingur og Fylkir í Bestu-deild karla. Leikurinn hefst klukkan 17:00.