SKÝRSLAN: Máni Austmann show í Egilshöll
Hvað réði úrslitum?
FJölnismenn nýttu færin sín á meðan Njarðvíkingarnir gerðu það ekki. Þar liggur helsti munurinn á liðunum í dag. Fjölnir voru klínískari og ákveðnari fyrir framan markið. Hvað spilamennsku varðar var áætlega jafnt með liðum en þetta snýst um að koma boltanum í netið.
Bestu leikmenn
1. Máni Austmann Hilmarsson
Var Njarðvíkingum erfiður í dag. Lagði upp tvö mörk í fyrri áður en hann gerði svo út um leikinn í seinni. Var alltaf hætta í kringum hann á síðasta þriðjung.
2. Guðmundur Karl Guðmundsson
Fyrirliðin var öflugur í liði FJölnis í dag. Stýrði sínu liði vel í dag.
Atvikið
Tómas Bjarki brýtur af sér á gulu spjaldi og hefði hæglega geta fengið seinna gula og rautt. Reynir Haralds fer meiddur af velli eftir þessa tæklingu og Gunnar Heiðar var fljótur að kalla til varamann til að skipta Tómasi Bjarka útaf. Einnig er hægt að nefna markið hans Mána Austmann sem var afar vel gert.
Hvað þýða úrslitin?
Fjölnir lyftir sér upp fyrir Njarðvíkinga í toppsætið með 14 stig. Njarðvíkingar fara í 2.sætið með sín 13 stig.
Vondur dagur
Oumar Diouck átti ekki góðan dag fyrir framan markið. Fékk færi en náði ekki að nýta sér þau.
Dómarinn - 4
Nokkrar áhugaverðar ákvarðanir hjá teyminu í dag. Hefði sennilega átt að koma rautt spjald í þennan leik [sjá atvik]. FJölnir vildu flagg þegar þegar Njarðvík jafnar og Njarðvíkingar vildu sjá flaggið fara á loft þegar Fjölnir kemst aftur yfir - Þau atvik eru við fyrstu sýn rétt fannst manni. Fjölnir fengu ódýr spjöld fannst manni stundum á meðan önnur brot sem manni fannst verðskulda spjald kannski frekar fengu að sleppa.