Leikurinn í beinni á youtube!

Sögulegur sigur ÍR-inga og þjálfarinn á afmæli Liðin mættust á undirbúningstímabilinu þegar ÍBV vann 5-2 eftir að hafa lent undir. Eyjamenn virkuðu mjög sprækir í þeim leik og unnu hann eins og ég segi mjög örugglega.

Liðin mættustu svo auðvitað árið 2021 í 32-liða úrslitum Mjólkurbikarsins þegar ÍR-ingar unnu óvæntan 3-0 sigur. Það ár unnu ÍBV Lengjudeildina.

En kannski frægasti leikurinn milli þessara liða var í Landsímadeildinni árið 1998. Þá voru ÍR-ingar mættir í fyrsta sinn í efstu deild karla í fótbolta fyrir utan einn leik árið 1944 þegar ÍR spiluðu fyrsta leikinn á mótinu en ekki meir. Liðin mættust í 4. umferð deildarinnar á ÍR-vellinum og þar unnu ÍR-ingar óvæntan 1-0 sigur með marki frá Sævari Þór Gíslasyni sem var sjóðandi heitur fremstur í flokki fyrir ÍR-liðið á þessum tíma. ÍBV var þarna með roslega sterkt lið en það ári unnu þeir deildina. Bjarni Jóh var að þjálfa Eyjaliðið.

Lestu um leikinn hérna úr Mogganum

Þess má geta að þjálfari ÍR á þeim tíma, Njalli Eiðs, á afmæli í dag. Ég óska þeim toppmanni til hamingju með daginn.

Baráttusigur Eyjamanna? Jakob Gunnar Sigurðsson, markahæsti leikmaður 2. deildar, er spámaður umferðarinnar. Jakob hefur skorað átta mörk í síðustu þremur leikjum Völsungs. Minnir mann mjög mikið á það hvernig Bragi Karl, leikmaður ÍR, byrjaði 2. deildina í fyrra með 9 mörk í þremur leikjum. Jakob spáir þessu svona:

ÍR 0 - 1 ÍBV (Í kvöld 17:30)
Þetta verður baráttuleikur hugsa ég, en Eyjastrákarnir taka þetta. Hjaltested fyrrum Völlari setur hann.

Teymið Þegar það er landsleikjapása í Bestu deildinni fær Lengjudeildin Bestu deildar dómara á leikina hjá sér. En það var farið í efstu hillu fyrir leikinn í kvöld. Elli Eiríks verður með flautuna í kvöld. Honum til aðstoðar verða þeir Andri Vigfússon og Ragnar Arelíus Sveinsson en eftirlitsmaður KSÍ er Jóhann Gunnar Guðmundsson.

ÍR-ingar þurfa að svara Eftir stórglæsilega byrjun á Lengjudeildinni hjá Breiðhyltingum gegn Keflavík er þeir unnu 2-1 sigur hafa þeir ekki unnið leik eftir það. Í seinasta leik ÍR fóru þeir í Laugardalinn og töpuðu stórt gegn Þrótti Reykjavík 5-0. Það er ljóst að leikmenn þurfa að stíga upp og sýna Breiðhyltingum eitthvað annað en þeir gerðu gegn Þrótturum.


Mættir aftur á grasið fagra
Knattspyrnudeild ÍR tók þá ákvörðun fyrir tímabilið 2021 og eftir að hafa ráðið Arnar Hallsson sem þjálfara liðsins að gera gervigrasið í Suður Mjódd að heimavellinum sínum. Sú ákvörðun hefur farið misvel ofan í stuðningsfólk ÍR. Núna er þeir hins vegar mættir aftur á gamla góða grasið þeirra en eftir að hafa farið upp í Lengjudeildina leyfði KSÍ þeim ekki að spila heimaleikina sína á gervigrasinu. Þetta eru mikil gleðitíðindi fyrir ÍR-inga að vera mættir aftur á grasið.

Eyjamenn elska jafnteflin Eftir að hafa tapað óvænt gegn nýliðunum, Dalvík Reyni, í fyrsta leik mótsins hafa Eyjamenn gert þrjú jafntefli og unnið einn í fjórum leikjum. Seinasti leikur Eyjamanna var gegn Fjölni þar sem þeir gerðu 2-2 jafntefli eftir að hafa komist 2-1 yfir. ÍBV situr í 5. sætinu með 6 stig. En eins og menn vita er þessi Lengjudeild feykijöfn deild. Þeim var spáð í 4. sæti fyrir mót sem er líklega bara mjög fín staða fyrir ÍBV.
Næst markahæstur í deildinni
Oliver Heiðarsson er markahæsti leikmaður ÍBV til þessa. Hann hefur byrjað leiktíðina glæsilega en hann er einnig næstmarkahæsti leikmaður deildarinnar. Eftir að hafa ekki skorað í fyrsta leik gegn D/R hefur hann skorað samtals fjögur mörk í fjórum leikjum. Verður hann á skotskónum í dag?

Leikur í 109! Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik ÍR og ÍBV í Lengjudeildinni. Leikurinn byrjar 17:30 og er spilaður á einum fallegasta stað landsins, Suður Mjódd.