SKÝRSLAN: Sterkur útisigur FHL í markaleik
Hvað réði úrslitum?
FHL nýttu sér meðvindinn í fyrri hálfleik og settu fjögur góð mörk. ÍBV stelpur komu sterkar til baka í seinni hálfleikinn en náðu ekki nýta sér meðbyrinn.
Bestu leikmenn
1. Emma Hawkins
Allt í öllu í sóknaleik FHL. Leggur upp tvö og skorar eitt. Hélt bolta vel og nýtti hraða sinn mjög vel.
2. Olga Sevcova
Hægt að segja það sama um Olgu. Hún var allt í öllu í sóknarleik ÍBV. Leggur upp tvö og skorar eitt. Hún átti svo einnig að fá víti undir lok leiks.
Atvikið
Undir lok leiks er Olga tekin niður inni í teig FHL. Sem átti klárlega að vera víti. Þarna er staðan 3-4 og ÍBV mun hættilegri á þessum tímapunkti. Einnig átti leikmaður FHL að fá rautt spjald undir lok leiks fyrir að slá leikmann ÍBV.
Hvað þýða úrslitin?
FHL byrjar tímabilið nokkuð vel og eru komnar með 10 stig eftir fimm umferðir. ÍBV aftur á móti eru einungis komnar með 1 stig og eru neðstar í deildinni.
Vondur dagur
Dómarinn. Hann var með leikinn í höndunum mest allan leikinn en þegar líða tók á seinni hálfleikinn missti hann leikinn úr höndum sér með mjög slökum ákvarðanatökum.
Dómarinn - 4
Eins og er skrifað hér fyrir ofan þá tók hann mjög slæmar ákvarðanir síðasta hálftíma leiksins. Olga átti að fá víti undir loks leiks í stöðunni 3-4 og haltraði sem eftir lifði leiks. Selena í liði FHL átti einnig að fá beint rautt spjald eftir að hafa slegið Thelmu Sól í liði ÍBV. Hún slapp þar sem gult spjald. Stuttu seinna tæklar hún svo annan leikmann ÍBV aftan frá og átti þá klárlega að fá sitt annað gula spjald og þar sem rautt. Dómarinn Hleypur í átt að henni og virðist ætla að taka upp gula spjaldið og þar af leiðandi rautt og það virðist vera að þegar hann sér hvaða leikmaður átti tæklinguna þá hættir hann við að taka upp spjaldið og hún fær einungis tiltal.