Stefán Marteinn Ólafsson @Stefanmarteinn7

Textalýsing Skýrslan Viðtöl

Hvað réði úrslitum? Árni Freyr orðaði það nokkuð vel í viðtali eftir leik að helsti munurinn á liðunum í dag var síðasti þriðjungurinn. Njarðvíkingar voru betri í dag og verðskulduðu þennan sigur en ÍR getur vel nagað sig í handarbökin að hafa ekki nýtt eitthvað af þessum færum sem að þeir fengu. Virkilega skemmtilegur leikur sem við fengum hérna í kvöld. Bestu leikmenn 1. Dominik Radic Var frábær fremst á vellinum hjá Njarðvík. Hélt vel í boltann og var ógnandi. Opnaði leikinn með marki og lokaði honum með marki. Frábær í kvöld. 2. Joao Ananias Stýrði miðjunni hjá Njarðvík eins og herforingi. Var bæði að brjóta upp sóknir ÍR og byggja sóknir fyrir heimamenn. Var nánast óaðfinnanlegur á miðjunni og ekki skemmdi fyrir að hann slapp við spjald í dag - það kann að draga til tíðinda. Atvikið Ótrúlegt að ÍR hafi ekki náð að koma inn marki fyrir hálfleik. Sú sena þegar þetta líka kraðak var inn á teig og boltinn fór í stöngina og hver Njarðvíkingur á fætur öðrum henti sér svo fyrir alla bolta var ótrúlegt að sjá boltann ekki fara í netið.

Hvað þýða úrslitin? Njarðvíkingar tylla sér á toppinn á Lengjudeildinni um stundarsakir hið minnsta. ÍR sitja áfram í 9.sætinu. Vondur dagur Ákvarðanartaka ÍR á síðata þriðjung átti virkilega vondan dag. Ótrúlegt að ÍR hafi ekki náð inn allavega einu marki. Dómarinn - 9 Virkilega fín frammistaða hjá teyminu í dag. Ekkert út á það að setja. Flest allar ef ekki bara allar ákvarðanir réttar og létu ekki veiða sig í neinar gildrur.