Árni Freyr orðaði það nokkuð vel í viðtali eftir leik að helsti munurinn á liðunum í dag var síðasti þriðjungurinn. Njarðvíkingar voru betri í dag og verðskulduðu þennan sigur en ÍR getur vel nagað sig í handarbökin að hafa ekki nýtt eitthvað af þessum færum sem að þeir fengu. Virkilega skemmtilegur leikur sem við fengum hérna í kvöld.

Ótrúlegt að ÍR hafi ekki náð að koma inn marki fyrir hálfleik. Sú sena þegar þetta líka kraðak var inn á teig og boltinn fór í stöngina og hver Njarðvíkingur á fætur öðrum henti sér svo fyrir alla bolta var ótrúlegt að sjá boltann ekki fara í netið.

Njarðvíkingar tylla sér á toppinn á Lengjudeildinni um stundarsakir hið minnsta. ÍR sitja áfram í 9.sætinu.

Ákvarðanartaka ÍR á síðata þriðjung átti virkilega vondan dag. Ótrúlegt að ÍR hafi ekki náð inn allavega einu marki.

Virkilega fín frammistaða hjá teyminu í dag. Ekkert út á það að setja. Flest allar ef ekki bara allar ákvarðanir réttar og létu ekki veiða sig í neinar gildrur.