Styttist Þá ganga liðin til vallar og gera sig klár í slaginn.

Mist spáir í spilin Við fengum Mist Rúnarsdóttur, sem hefur verið leiðandi í umfjöllun um kvennaboltann síðustu árin, til að spá í leikina sem eru framundan í bikarnum. Svona spáir hún leiknum sem við ætlum að fylgjast með.

Afturelding 1 - 3 Þróttur R. (20:00 í kvöld)
Þetta verður mjög áhugaverður leikur. Topplið Lengjudeildarinnar á heimavelli gegn botnliði Bestu deildarinnar. Heimakonur hafa verið gríðarlega flottar bæði í deild og bikar í sumar og slógu út bikarmeistara Víkings í síðustu umferð! Verða þær kannski spútnikliðið í ár? Þrótturum hefur gengið afleitlega að nýta færin sín í deildinni – þar til í síðustu umferð – en settu fimm í síðasta bikarleik og einhverjir vilja meina að markastíflan sé brostin. Þetta verður leikur tveggja vel skipulagðra liða sem bæði munu nýta færin sín þokkalega og það mun duga gestunum. Hildur Karítas skorar sitt fimmta bikarmark en Freyja Karín (2) og Ísabella klára leikinn fyrir Þrótt.

Dómarateymið Ásmundur Þór Sveinsson stýrir flautukonsertinu í kvöld en honum til halds og trausts verða þau Guðni Freyr Ingvarsson og Eydís Ragna Einarsdóttir. Guðmundur Ingi Bjarnason er skiltadómari í dag en Kristján Halldórsson er eftirlitsmaður KSÍ.

Leið liðanna í leikinn Afturelding gat ekki farið lengri leið í bikarnum að þessum leik en þær byrjuðu í keppninni í fyrstu umferð þar sem þær tóku KH örugglega 4-0. í 2. umferð tóku þær Eyjakonur 2-1 á útivelli en eftir það komu þær öllum á óvart og unnu sjálfa bikarmeistarana í Víking á heimavelli. Þeir fá núna aftur Bestu deildar lið á heimavelli og eru aðeins tveimur leikjum frá Laugardalsvelli.

Afturelding eru að byrja leiktíðina af krafti en þær tróna á toppnum í Lengjudeildinni þegar 5 umferðir eru búnar. Þrír sigrar, eitt tap og eitt jafntefli. Það er greinilega mikill andi í Mosó!


Nýbyrjaðar að vinna
Þróttarakonur byrjuðu hins vegar aðeins seinna í mótinu en þær unnu Fylki örugglega í 16-liða úrslitunum 5-0 á heimavelli. Það verður mikilvægt fyrir Þróttara að koma með ekkert vanmat inn í þennan leik.

Þróttarar sitja á botinum í Bestu deildinni en þær voru að vinna sinn fyrsta leik í mótinu í seinasta leik gegn Tindastól, 4-2.

Mjólkin! Heil og sæl og veriði hjartanlega velkomin í leik Aftureldingar og Þróttar í 8-liða úrslitum Mjólkurbikarsins. Leikurinn fer fram í Mosfellsbæ á heimavelli Aftureldingar sem spilar í Lengjudeildinni á meðan Þróttarar eru í þeirri Bestu.