Þetta er að bresta á Liðin eru að ganga út á völl

Það er bongó! 14 gráður, glampandi sól og örlítil gola, ekkert til þess að tala um!

Byrjunarliðin Það eru tvær breytingar á liði Þórs og þrjár hjá Stjörnunni frá síðustu leikjum í deildinni. Þór spilaði síðast fyrir 12 dögum þegar liði stein lá fyrir Njarðvík 5-1. Þá tapaði Stjarnan 4-2 gegn Vestra.

Hermann Helgi Rúnarsson og Alexander Már Þorláksson koma inn í lið Þórs fyrir Aron Inga Magnússon og Bjarka Þór Viðarsson. Aron er ekki í hóp en Bjarki er á bekknum.

Emil Atlason og Helgi Fróði Ingason koma inn fyrir Kjartan Má Kjartansson og Hauk Örn Brink. Haukur skoraði bæði mörkin gegn Vestra en er ekki í hóp í dag. Kjartan er á bekknum. Þá er Mathias Rosenorn í rammanum.

Dómarateymið Helgi Mikael Jónasson verður með flautuna. Bryngeir Valdimarsson og Antoníus Bjarki Halldórsson verða honum til aðstoðar. Sigurður Hjörtur Þrastarson er fjórði dómari og Sverrir Gunnar Pálmason eftirlitsmaður KSÍ.
Helgi Mikael Jónasson

Óvæntur heimasigur Arnar Daði Arnarsson, Sérfræðingurinn sjálfur, spáir í leikina. Hann var með alla leikina í 16-liða úrslitunum rétta, spáði rétt um sigurvegara allra átta leikjanna. Nú eru það hins vegar 8-liða úrslitin.

Hann spáir heimamönnum sigri þrátt fyrir að Bestu deildarlið Stjörnunnar muni mæta með sitt sterkasta lið.

Þór 2 - 1 Stjarnan
Siggi Hlö leyfir Þorpinu að dreyma. Mínir menn í Stjörnunni hafa verið í basli að undanförnu. Stjarnan mætir ótrúlegt en satt með sitt sterkasta lið til leiks en það dugar ekki í þetta sinn.

Leið Stjörnunnar í 8 liða úrslitin Stjarnan hefur spilað einum leik minna en Þór í keppninni. Í 32 liða úrslitum mætti liðið Augnabliki en Jökull Elísabetarson þjálfari Stjörnunnar þjálfaði áður lið Augnabliks. Í 16 liða úrslitum vann Stjarnan KR í hörku leik.

Guðmundur Baldvin Nökkvason og Örvar Eggertsson eru markahæstir í keppninni með tvö mörk hvor. Guðmundur skoraði eitt mark í sitthvorum leiknum á meðan Örvar skoraði tvö gegn KR.

Augnablik 1-2 Stjarnan
Stjarnan 5-3 KR

Guðmundur Baldvin Nökkvason

Leið Þórs í 8 liða úrsltiin Þór hóf leik í 2. umferð þar sem liðið vann stórsigur á KFA. Í næstu tveimur umferðum voru andstæðingar Þórs úr sömu deild og Akureyringarnir, Lengjudeildinni, í 32 liða úrslitunum vannst sigur á Gróttu og í 16 liða úrslitunum gegn Fjölni.

Rafael Victor og Fannar Daði Malmquist Einarsson eru markahæstu leikmenn liðsins í keppninni með þrjú mörk hvor. Fannar Daði verður ekki með í kvöld þar sem hann er að kljást við meiðsli.

Þór 5-1 KFA
Grótta 0-3 Þór
Fjölnir 0-2 Þór

Rafael Victor

Góða kvöldið Verið velkomin í beina textalýsingu þar sem Lengjudeildarlið Þórs og Bestu deildarlið Stjörnunnar mætast í átta liða úrslitum Mjólkurbikarsins. Leikurinn fer fram á VÍS vellinum á Akureyri.