SKÝRSLAN: Afturelding sigrar í jöfnum leik
Hvað réði úrslitum?
Fengum fjöruga byrjun í Laugardalnum þar sem að tvö mörk litu dagsins ljós á fyrstu tíu mínútunum. Afturelding komst yfir en Þróttarar jöfnuðu svo leikin skömmu seinna. Leikurinn var kaflaskiptur og fengu bæði lið slatta af færum. Þróttarar voru betri aðilinn meiri hluta seinni hálfleiks en það voru gestirnir sem komu boltanum í netið. Afturelding komst yfir á 79. mínúu eftir skalla frá Sigurpáli Melberg og endaði leikurinn 2-1 fyrir Aftureldingu.
Bestu leikmenn
1. Hrannar Snær Magnússon
Dálítið erfitt að velja mann leiksins í kvöld en Hrannar heillar alla upp úr skónum þegar að hann er með boltann. Fáránlega snöggur og stafar alltaf hætta af honum.
2. Aron Jóhannsson
Hellingur af leikmönnum sem voru góðir í kvöld. Aron Jóhanns er einn af þeim. Hann var alltaf örruggur á boltanum og skapaði helling af færum fyrir sig of liðsfélaga sína.
Atvikið
8. og 9. mínútan í leiknum þar sem allt var á fullu. Fengum mark frá gestunum og svo strax annað hjá Þrótti!
Hvað þýða úrslitin?
Afturelding stekkur upp um tvö sæti og situr í 3. sætinu eftir leikinn í kvöld. Þróttur er enn í 10. sætinu eftir kvöldið..
Vondur dagur
Það er aldrei gaman að skora sjálfsmark en Gunnar Bergmann lennti í því í kvöld. Gunnar fór einnig þjáður af velli í seinni hálfleik. Held að þetta hafi ekki verið góður dagur fyrir hann.
Dómarinn - 5
Sigurður leyfði ansi margt í kvöld. Dæmd ekki á pjúra brot og náði ekki að halda góðri línu.