SKÝRSLAN: Grindavík skoruðu mörkin í kvöld
Hvað réði úrslitum?
Ætli það sé ekki bara þetta klassíska? Baráttan og viljinn. Fannst ÍR-liðið frekar andlaust og skapaði sér nánast ekkert af almennilegum færum. Grindvíkingar voru klíniskari og betri þegar yfir heildina er litið á leikinn.
Bestu leikmenn
1. Júlía Ruth Thasaphong, Grindavík
Enginn annar leikmaður sem kom til greina held ég. Var alveg frábær í dag. Eitt og ein geggjuð stoðsending og fær svo heiðursskiptingu. Var alltaf að valda usla og ógna inn fyrir.
2. Tinna Hrönn Einarsdóttir, Grindavík
Tinna setur tvö í dag og var heilt yfir mjög góð í dag eins og allt Grindavíkurliðið. Þessi frammistaða og leikur gefur góð fyrirheit fyrir komandi leiki en næsti leikur, gegn FHL, er gífurlega stór og mikilvægur eftir úrslit dagsins.
Atvikið
Verð að segja þriðja þriðja mark Grindvíkinga. Júlía fær boltann á hægri kantinum ein á ein og gerir ekkert eðlilega vel til að komast framhjá varnarmanninum og klára síðan. Geggjað mark og Júlía sturluð í kvöld.
Hvað þýða úrslitin?
Grindavík fer á toppinn í bili með sinn þriðja sigur en ÍR-liðið situr á botninum núna eftir þennan leik. Einnig er þetta fyrsti leikur Grindavíkur á tímabilinum þar sem annað liðið skorar meira en eitt mark. Það var ekki ÍR sem skoruðu mörkin í kvöld eins og lagið segir heldur var það Grindavík.
Vondur dagur
Mér fannst bara allt ÍR-liðið frekar soft og lélegt í dag. Fjórði tapleikurinn í röð og á botninum. Liðið átti alls ekki góðan dag í dag svo vægt er til orða tekið.
Dómarinn - 10
Ég bara sé ekki afhverju ég ætti að gefa honum 10. Engar stórar ákvarðanir sem hann þurfti að taka sem standa upp úr. En flæðið og línan í leiknum var mjög góð og ég var mjög ánægður með Sindra og teymið í dag.