Haraldur Örn Haraldsson @haraldur_orn

- Meðalaldur 32 ár

- Meðalaldur 25 ár

Textalýsing Skýrslan Viðtöl

Hvað réði úrslitum? Blikarnir voru töluvert meira með boltan en sóknir þeirra virtust alltaf enda í hornspyrnu sem ekkert kom upp úr. KA men vörðust mjög vel og voru að kasta sér fyrir skot Blika trekk í trekk. Það var svo pínlegt sjálfsmark sem braut múrinn. KA menn jafna svo leikinn snemma í fyrri hálfleik og fá færi til að komast yfir, en það voru Blikarnir sem myndu á endanum koma sigurmarkinu yfir línuna eftir að Viktor Karl áttaði sig loksins á því að leyfa KA mönnum að hoppa á rassinn áður en hann skýtur. Bestu leikmenn 1. Aron Bjarnason (Breiðablik) Aron á báðar stoðsendingarnar hjá Blikum og hann var hættulegur á kantinum. Var oft að komast í góðar stöður og það stoðsendingarnar hefðu getað verið fleiri. 2. Ívar Örn Árnason (KA) Mig langaði eiginlega að velja hann sem mann leiksins, en á endanum tapar KA þannig hann verður að sætta sig við þennan dálk. Ívar lagði líf og sál í þetta verkefni þar sem hann kastaði sér fyrir skot eftir skot. Hann varði einu sinni frábærlega á línu. Þetta var bara alvöru stríðsmanns frammistaða hjá miðverðinum Atvikið Sjálfsmarkið er auðvitað risa atvik en það má lesa um það í Vondur dagur. Annað risa atvik gerist alveg á loka sekúndum leiksins þar sem KA menn setja langan bolta fram og Viðar Örn fer í kapphlaup við Damir. Damir reynir að tosa í treyjuna á honum til að halda í við hann en Viðar heldur bara áfram, kemst einn gegn markmanni en tekst að klúðra færinu. Í kjölfarið fær markmannsþjálfari KA að líta rauða spjaldið líkast til að mótmæla því að Damir hafi verið að rífa í treyjuna á Viðari.

Hvað þýða úrslitin? Breiðablik er í 2. sæti deildarinnar og eru aðeins einu stigi á eftir toppliði Víkinga. KA menn eru í neðsta sæti deildarinnar eftir að Fylkismenn unnu í gær. Vondur dagur Kári Gautason var svolítið eins og hann væri í krummafót í fyrri hálfleik. Hann hafði verið í basli við kantmenn Breiðabliks, sem sóttu mikið upp hans hlið í fyrri hálfleik. Svo skorar hann afar neyðarlegt sjálfsmark rétt fyrir hálfleik. Hann má þó eiga það að hann var bara mjög flottur í seinni hálfleik sem sýnir ákveðinn styrk í svona ungum leikmanni. Dómarinn - 8 Elli Eiríks og hans teymi voru flottir í dag. Þeir reyndu að sleppa öllu smotteríi sem þeir gátu til að leyfa leiknum að fljóta en gáfu spjöld þegar það átti við. Það var líka seint í leiknum þegar það var kominn hiti í leikinn sem þeir hefðu mögulega getað gefið seinna gula á einhverja fyrir eitthvað smotterí en þeir féllu ekki í þá gryfju sem er vel.

- Meðalaldur 29 ár

- Meðalaldur 27 ár