SKÝRSLAN: Seiglusigur í Laugardalnum
Hvað réði úrslitum?
Þróttur vann Stjörnuna 1-0 eftir bragðdaufan leik. Tiltölulega lítið sem gerðist í kvöld. Lítið af færum og mikið miðjumoð. Þróttarar skoruðu mark eftir fjörtíu mínútna leik og kom það úr horni. Þróttarar voru betri aðilinn í fyrri hálfleiknum og leiddu er gengið var til búningsklefa. Stjarnan gat ekki skapað sér mikið í seinni og enduðu leikar 1-0 fyrir Þrótt.
Bestu leikmenn
1. Leah Maryann
Mjög gaman að horfa á hana spila fótbolta. Skemmtilegur leikmaður sem stafar alltaf hætta af er hún nálgast teiginn. Var mjög fín í kvöld.
2. Álfhildur Rósa
Fyrirliðinn góð í dag. Mikil seigla í henni og hennar liði í kvöld. Þetta var einnig hennar 200. leikur fyrir félagið.
Atvikið
Atvik leiksins myndi vera markið sem Freyja skoraði á 40. mínútu leiksins.
Hvað þýða úrslitin?
Þróttur skýst upp um þrjú sæti eftir sigurinn í kvöld og er því í 7. sæti. Stjarnan er enn í 6. sætinu eftir kvöldið.
Dómarinn - 6,5
Atli var fínn í kvöld. Nokkur atvik sem mér fannst áhugaverð og skringilega dæmt en heilt yfir bara ágæt frammistaða.