Þór/KA átti sigurinn skilið og gæðin komu í ljós. Frábær skot utan af velli sem urðu að tveimur mörkum í kvöld. Hulda Björg fljót að hugsa í öðru marki liðsins þegar Sandra María skallaði boltann í slánna.

Annað mark Þór/KA var gríðarlega mikilvægt. Þeim tókst illa að brjóta sér leið í gegnum vörn Fylkis en Hulda Björg tókst að skora eftir hornspyrnu og koma liðinu í forystu seint í leiknum. Fljótlega innsiglaði Lara Ivanusa sigurinn með sínu fyrsta marki fyrir félagið.

Þór/KA er í hefndarhug en liðið mætir Val á Akureyri í næstu umferð, eina tap liðsins til þessa kom gegn Val í fyrstu umferð en Þór/KA situr í 3. sæti þremur stigum á eftir Val. Fylkir er nú komið á botninn eftir sex töp í röð.

Tinna Brá Magnúsdóttir markvörður Fylkis nagar sig í handabökin eftir þennan leik. Hún leit ekki vel út í fyrsta markinu sem var langskot en spurning hvort að smá stefnubreyting hafi slegið hana út af laginu. Hún var ekki nógu fljót að bregðast við þriðja markinu.

Fín frammistaða hjá honum í kvöld.