Valsliðið er bara það gott að þrátt fyrir að FH-liðið hafi verið fínt í dag munu leikmenn Vals alltaf finna sér leiðir til að skapa færi og þ.a.l. skora mörk. Gæðin held ég réðu þessum úrslitum á endanum. En mér fannst samt aðeins hægast á sóknarleik FH eftir að Hiligunnur fór af velli.

Klárlega seinasta spyrna leiksins sem var eina mark FH í leiknum. Ída fær hann fyrir utan teig Vals, lætur vaða og beint í samskeytin. Maður vaknaði alveg við þetta því leikurinn var búinn að vera mjög rólegur fyrir það mark. Líklega bara besta sárabótamark sem ég hef séð í fótbolta!

Valskonur tróna á toppnum á tveimur mörkum eftir tap Blika í gær. FH-liðið er áfram í 4. sætinu en Víkingur hefur minnkað bilið niður í eitt stig.

Þetta er mjög erfitt því Valur vann en ég var samt mjög hrifinn af FH-liðinu í dag. Mér fannst allavegana hægja á sóknarleik FH eftir að Hildigunnur fór af velli. Það var nánast ekkert um neinar opnanir eða einhver hlaup eftir skiptinguna þannig ætli þetta skráist ekki bara á þann sem tók ákvörðunina að taka hana af velli.

Jóhann Ingi og teymið stóð sig bara ágætlega í dag fannst mér. Leyfðu leiknum að flæða ágætlega og voru með mjög góða stjórn á honum.