FH-ingar sigra hér í dag! Leikurinn var lokaður í svona 70 mínútur en eftir að Fylkismenn jafna þá kviknar á FH-ingum. Þeir keyrðu svo bara á Fylkismennina og náðu tveimur góðum mörkum. Skýrsla og viðtöl koma seinna í kvöld.

FH-ingar vinna boltan ofarlega á vellinum og boltinn berst á Ástbjörn úti hægra megin. Hann kemur með skemmtilega fyrirgjöf sem Ólafur þarf að hafa sig allan við í að blaka frá og Fylkismenn hreinsa.

Uppbótartíminn verður að lágmarki 4 mínútur

Flott sókn hjá FH-ingum! Úlfur kemur með flotta sendingu inn á teig á Arnór Borg sem nær skoti á markið en Ólafur ver vel frá honum.

Fylkismenn setja fastan bolta inn í teig og boltinn skýst af Ólafi og er á leiðinni í netið. Sindri kemur með svakalega viðbragðs vörslu en sóknin er ekki búinn. Fylkismenn ennþá í dauðafæri, skotið kemur að marki og Sindri ver aftur. Stórkostleg markmanns frammistaða hér!

Alvöru færi þarna fyrir Úlf! Kjartan Kári setur boltan fyrir og Ásgeir fær boltan bara í sig. Boltinn skoppast á Úlf sem tekur skotið en það er varið.

Björn Daníel með þrumuskot af löngu færi en boltinn siglir rétt yfir markið.

Ekkert kom úr því horni.

Fylkismenn fá horn og Arnór tekur þessa spyrnu. Hann sveiflar boltanum á fjærstöngina og FH-ingar skalla aftur fyrir. Annað horn.

Ísak liggur í grasinu eftir að hafa fengið höfuðhögg, hann fær aðhlynningu en er fljótur aftur á lappir.

Það verður bara að segjast eins og er, gæðalítill fyrri hálfleikur að baki. FH-ingar leiða en það hefur verið lítið sem skemmtir manni í þessum hálfleik. Vonandi fara þjálfararnir vel yfir málin í hálfleik og liðin koma brjáluð út í seinni.

Þórður Gunnar keyrir með boltan á vörnina og tekur svo skotið. Það fer í Ólaf og skýst svo út á Nikulás inn í teig. Nikulás er einn gegn Sindra og tekur skotið en Sindri ver mjög vel frá honum.

Þórður Gunnar nálægt því að sleppa í gegn einn gegn markmanni en Sindri gerir vel. Kemur út úr markinu og hreinsar.

Hann setur boltan inn í teig og úr verður smá skallatennis leikur. Boltinn dettur svo fyrir Björn Daníel sem á lúmskt skot rétt framhjá fjærstönginni.

FH-ingar fá hornspyrnu, Böðvar ætlar að taka.

Ólafur Kristófer kemur vel út úr markinu til að hreinsa boltan en hann endar bara beint á Birni Daníel. Ólafur er þá í vondri stöðu og Björn reynir að chippa hann frá mjög löngu færir, en skotið fer framhjá.

Fylkir fær aukaspyrnu nálægt miðlínu og Arnór Breki tekur þessa spyrnu. Hann sveiflar boltanum in í teig og boltinn dettur frekar óvænt fyrir Ásgeir, hann fær þá boltan meira í sig heldur en að hann skýtur og boltinn framhjá.

Lúmskt færi fyrir FH, Fylkismenn tapa boltanum bara inn í eigin teig. Ástbjörn kemur þá á ferðinni og tekur skotið sem er mjög fast en líka langt framhjá.

Vuk fær boltan inn í teig, leggur boltan niður og rúllar honum snyrtilega í fjærhornið. Hann lagði hinsvegar boltan fyrir sér með hendinni þannig Erlendur dæmir réttilega aukaspyrnu fyrir Fylki.

Orri þræðir boltan upp kantinn á Præst sem er kominn inn í teiginn vinstra megin. Sindri kemur svo skrýngilega mikið út á móti honum þannig Præst setur hann bara aftur á Orra sem er með autt mark fyrir framan sig en hann skýtur í varnarmannn. Boltinn skýst þá til Emils sem er líka í góðu færi en aftur fer skotið í varnarmann.

Uppstilling FH 4-4-2 Sindri Ástbjörn - Ísak - Ólafur - Böðvar Vuk - Logi - Björn - Kjartan Úlfur - Sigurður Uppstilling Fylkis 4-4-2 Ólafur Birkir - Ásgeir - Sigurbergur - Arnór Þórður - Ragnar - Præst - Orri Emil - Nikulás

Fylkismenn sækja hratt og Præst kemur boltanum yfir á Þórð sem tekur skotið inn í teig, en í varnarmann og Fylkismenn fá horn. Þeir setja boltan inn í teig úr horninu en Sindri kemur vel út og kýlir boltan frá.

Erlendur flautar leikinn af stað og það eru Fylkismenn sem taka upphafssparkið.

Heimir Guðjónsson þjálfari FH gerir tvær breytingar á sínu liði en bakverðirnir tveir sem voru í banni í síðasta leik koma aftur inn í liðið. Það eru þeir Ástbjörn Þórðarson og Böðvar Böðvarsson. Dusan Brkovic sest á bekkinn en Arngrímur Bjartur Guðmundsson er ekki í hóp. Rúnar Páll Sigmundsson þjálfari Fylkis gerir eina breytingu á sínu liði en Orri Sveinn Segatta er ekki með í dag. Hans í stað kemur Birkir Eyþórsson.

Kaplakrikavöllur í kvöld!
Náðu þér í miða á Stubb????#ViðErumFH pic.twitter.com/4rf5rOaKdH

— FHingar (@fhingar) June 23, 2024

Í síðustu 10 leikjum þessara liða í efstu deild hafa FH-ingar unnið fjóra leiki, Fylkir unnið þrjá leiki og liðin hafa skilið jöfn þrisvar. Markatalan í þessum leikjum er þannig að FH hefur skorað 18 mörk og Fylkismenn skorað 16 mörk. 24.07.23 FH - Fylkir 2-4 24.04.23 Fylkir - FH 4-2 18.07.21 FH - Fylkir 1-0 01.05.21 Fylkir - FH 0-2 21.09.20 Fylkir - FH 1-4 13.07.20 FH - Fylkir 1-2 18.08.19 FH - Fylkir 2-1 26.05.19 Fylkir - FH 2-2 19.08.18 Fylkir - FH 1-1 28.05.18 FH - Fylkir 1-1

Dómari þessa leiks verður Erlendur Eiríksson en honum til aðstoðar verða Eðvarð Eðvarðsson og Patrik Freyr Guðmundsson. Eftirlitsmaður er Jón Sigurjónsson og varadómari er Gunnar Freyr Róbertsson.

Ísak Andri Sigurgeirsson leikmaður Norrköping í Allsvenskunni er sérlegur spámaður okkar fyrir þessa umferð. Þetta er það sem hann hafði að segja um þennan leik. FH 2 - 2 Fylkir Rúnar Páll nær i flott stig þar sem Sigurbergur Áki setur mark fyrir Fylki.

Útlitið var svart þegar 7 leikir voru búnir af mótinu og Fylkismenn voru aðeins með 1 stig. Síðan þá hafa þeir hinsvegar unnið tvisvar af síðustu þremur leikjum og hafa fært sig úr neðsta sæti deildarinnar. Með sigri í dag gætu Fylkismenn farið upp í 10 stig og farið upp fyrir Vestra á markatölu. Það væri þá í fyrsta skipti á þessu tímabili sem þeir myndu færa sig úr fallsæti. Markaskorun hefur verið ákveðinn höfuðverkur fyrir Árbæinga en markahæsti leikmaður þeirra er daninn Matthias Præst með þrjú mörk. Næst koma tveir með tvö mörk en rest hefur aðeins skorað eitt eða ekkert.

FH byrjaði tímabilið mjög vel en upp á síðkastið hafa þeir verið í brasi. Liðið hefur ekki unnið 5 leiki í röð en síðast unnu þeir 4. maí 3-2 sigur gegn Vestra. Síðan þá hafa þeir aðeins sótt 2 stig sem gerir að verkum að þeir sitja í 6. sæti deildarinnar með 14 stig. Markahæstu leikmenn Hafnfirðinga hingað til eru þrír leikmenn sem allir hafa skorað fjögur mörk en það eru: Úlfur Ágúst Björnsson, Sigurður Bjartur Hallsson og Björn Daníel Sverrisson.

Komiði sæl og verið velkomin í beina textalýsingu frá viðureign FH og Fylkis í 11. umferð Bestu deild karla. Leikurinn hefst klukkan 19:15 og verður spilaður á Kaplakrikavelli.