Styttist Þá ganga liðin til vallar og gera sig klár í slaginn!

Hilmar Jökull, stuðningsmaður Breiðabliks, er með grænan brúsa hangandi á veiðistöng þegar liðin ganga til vallar. Ekki veit ég afhverju samt.

Byrjunarliðstíðindi! Halldór Árnason, þjálfari Breiðabliks, gerir tvær breytingar frá seinasta leik Blika gegn KA sem Breiðablik vann 2-1. Þeir Oliver Sigurjónsson og Benjamin Stokke koma inn í byrjunarliðið fyrir þá Ísak Snæ Þorvaldsson og Patrik Johannesen.

Skagamenn unnu góðan 2-1 sigur á KR í seinasta leik en þjálfari liðsins, Jón Þór Hauksson, gerir eina breytingu á liðinu frá þeim leik. Hann Guðfinnur Leó kemur inn í liðið fyrir fyrirliðann, Arnór Smárason, sem er á bekknum í kvöld.

Spáin góða Stjörnumaðurinn Ísak Andri Sigurgeirsson, leikmaður Norrköping, dregur spákúluna fram fyrir þessa umferð.
Breiðablik 2 - 1 ÍA (í kvöld 19:15)
Erfiður leikur fyrir Breiðablik sem þeir harka út með marki undir lokin.

Þriðja liðið Vilhjálmur Alvar Þórarinsson sér um flautukonsertið í dag en honum til halds og trausts verða þeir Gylfi Már Sigurðsson og Ragnar Þór Bender. Gunnar Oddur Hafliðason er fjórði dómari en eftirlitsmaður KSÍ er Hjalti Þór Halldórsson.

Með sigri fara þeir á toppinn Það er kannski skrítið að segja að Breiðablik hafi komið fólki á óvart en með sigri í dag fara Blikar á toppinn. Blikar hafa farið mjög vel af stað í sumar og spilað góðan bolta. Jason Daði Svanþórsson er markahæsti leikmaður liðsins með 5 mörk. Breiðablik, ásamt Víkingi, er besta varnarlið deildarinnar, aðeins búnir að fá á sig 13 mörk í 11 leikjum.

Skagamenn komið á óvart Skagamenn hafa komið fólki á óvart í upphafi móts en þeir eru í 4. sæti deildarinnar eftir 2-1 sigur á KR í seinasta leik. Skagamenn koma inn í þennan leik með tvo sigra á bakinu en það er mikill meðbyr með Skagamönnum. Allt í einu eru þeir komnir í Evrópubaráttu.

Sú lang Besta! Veriði hjartanlega velkomin í þessa þráðbeinu textalýsingu frá leik Breiðabliks og ÍA í Bestu deild karla.