Þór/KA kemst yfir og hefði hæglega getað bætt við mörkum en eins gott lið og Valur refsar. Með rosalega breidd, Fanndís Friðriksdóttir og Berglind Björg Þorvaldsdóttir koma inn á og búa til jöfnunarmarkið og kemur sigurmarkið í uppbótatíma.

Jöfnunarmarkið glæsilegt en set spurningamerki við Hörpu í marki Þór/KA sem slær boltann á hættusvæðið í sigurmarkinu.

Þór/KA hefur tapað þremur leikjum í sumar, tveimur gegn Val og einum gegn Breiðabliki og er nú komið sex stigum á eftir toppliðunum tveimur. Valur bara markatölunni á eftir Blikum en eina tap liðsins kom einmitt gegn toppliðinu.

Sandra María Jessen klikkar á dauðafæri rétt áður en Hulda Ósk kemur liðinu yfir. Í stöðunni 1-0 komst Sandra einnig í góða stöðu þegar hún ákveður að senda á Karen Maríu sem var í rangstöðunni. Svo set ég spurningamerki við Hörpu í sigurmarkinu, hefði átt að gera betur þar.

Var dómari í leiknum? Fór ansi lítið fyrir honum sem er eins og við viljum hafa það