SKÝRSLAN: Markasúpa í Fossvoginum
Hvað réði úrslitum?
Fjörugur leikur í Fossvoginum í kvöld! Bæði lið orkumikil í byrjun. Sjörnukonur komust yfir þegar þær skoruðu eftir hornspyrnu. Svo á 41. mínútu jöfnuðu heimakomur en sú forysta entist ekki lengi þar sem Esther Rós skoraði stórkostlegt mark sekúndum seinna. Svo í seinni komu heimakonur til baka eftir tvö mörk með stuttu millibili. Fjörugur leikur stútfullur af hörku, mörkum og spennu!
Bestu leikmenn
1. Selma Dögg Björgvinsdóttir
Margar mjög góðar í kvöld! Selma með flotta fyrirliðaframmistöðu og var mjög góð í dag! Selma skoraði einnig sigurmark leiksins.
2. Shaina Faiena Ashouri
Shaina geggjuð í kvöld. Skoraði mark, skapaði færi og stafaði mikil hætta af henni. Margar mjög góðar í kvöld og hér má einnig nefna Hafdísi Báru og Úlfu Dís!
Atvikið
Mark Estherar á 42. mínútu. Nýbúnar að fá mark á sigg en svo þrykkir hún bara boltanum upp í samskeytin. Geggjað mark!
Hvað þýða úrslitin?
Víkingur heldur sér í barráttunni í um 4. sætið og er komið upp í 15 stig eftir kvöldið, einu stigi fyrir neðan FH. Stjarnan í 8. sæti með 9 stig eftir kvöldið.
Vondur dagur
Erfitt að setja þetta á einhverja eina. Stjarnan fékk hins vegar á sig þrjú mörk í kvöld og hafa fengið á sig 27 mörk það sem af er sumri, en það er mest af öllum í deildinni. Augljóst er að eitthvað þarf að breytast í varnarleik Stjörnunar.
Dómarinn - 7,5
Stóð sig vel í kvöld. Leyfði leiknum að fljóta og hafði fín tök á honum. Nokkrir vafasamir dómar en heilt yfir góð frammistaða!