Sú staðreynd að bæði lið virtust nokkuð sátt við að mæta af fullum krafti í einn hálfleik hvort fyrir sig. Keflavík átti fyrri hálfleik þar sem Njarðvíkingum gekk illa að finna takt í sínum leik. Dæmið snerist svo algjörlega við í þeim síðari þar sem Njarðvík hafði tögl og haldir á leiknum. Liðin nýttu svo hvort sitt færið og því fór sem fór.

Að labba út úr blaðamannastúkunni og lenda í umferðarröð sem hreyfist löturhægt út úr stúkunni út í sólina er alltof sjaldgæft á vellinum hér í Keflavík. En auðvitað á það að vera svona alltaf. Reyndar ekki hægt að treysta á blíðviðri eins og í kvöld en látum það liggja á milli hluta.

Njarðvík heldur toppsæti deildarinnar á markatölu. Fer í 18 stig jafnmörg og Fjölnir en eiga fimm mörk í plús á Grafarvogspilta. Keflavík fellur niður um eitt sæti. Fer í það sjötta þar sem liðið er með ellefu stig.

Það var ekkert sem hægt er að kalla vondur dagur á vellinum í kvöld. Jú jú leikmenn í báðum liðum gátu vissulega gert betur á mörgum sviðum en það voru allir að skemmta sér á vellinum í kvöld. Skellum vondum degi á stuðningsmenn beggja sem langaði að koma á völlinn en komust ekki.

Meira að segja Pétur Guðmundsson skemmti sér í sólinni í Keflavík. Leyfði leiknum að fljóta mjög vel og reyndar svo vel að fyrsta aukaspyrna leiksins fyrir brot var dæmd á síðustu sekúndum fyrri hálfleiks. Hélt vel um taumana með sínu teymi og skilaði frábæru dagsverki eins og hann gerir reyndar yfirleitt.