SKÝRSLAN: Hvar væru þeir án hans?
Hvað réði úrslitum?
Varnarleikur KR var alls ekki upp á marga fiska. Þeir tóku strax forystuna aftur eftir að Fylkir jöfnuðu í 1-1. Eftir það hefðu þeir átt að gefa í og klára leikinn en í staðinn fóru þeir neðar á völlinn og gáfu gestunum úr Árbænum klaufaleg mörk.
Bestu leikmenn
1. Aron Sigurðarson
Án efa besti leikmaður liðsins og hefur mögulega verið sá leikmaður sem er að draga þá áfram. Tvær stoðsendingar í dag, góð föst leikatriði og alltaf einhver hætta. Hvar væri Knattspyrnufélag Reykjavíkur án hans í dag spyr ég mig bara.
2. Kristján Flóki Finnbogason
Auðvelt að velja Kristján þar sem hann skorar tvö. Seinna markið var sérstaklega gott. Hélt að boltinn hafi farið úr leik en hann nær að gera mjög vel og halda þessu inn á og setur þetta á markið. Kannski hefðu varnarmenn og Ólafur í marki Fylkis átt að gera betur í því marki en ég tek ekkert að Kristjáni. Gífurlega góður í dag og það er gaman að sjá hann og Benoný spila saman frammi. Finnst samt eins og KR séu einum góðum miðjumanni frá því að vera með lið í topp 4 í deildinni.
Atvikið
Ég ætla að velja annað mark KR. Fylkismenn nýkomnir yfir og nokkrir stuðningsmenn ennþá standandi þegar Aron kemur með geggjaðan bolta inn á teiginn og Kristján nær frábærum skalla á markið og KR strax komnir yfir aftur.
Hvað þýða úrslitin?
Fylkismenn jafna KA á stigum en eru með verri markatölu og í neðsta sætinu áfram. KR-ingar fara upp fyrir HK í töflunni á markatölu og eru núna í 8. sætinu.
Vondur dagur
Arnór Breki átti tók bísna margar hornspyrnur í dag, þá sérstaklega í fyrri hálfleik, sem voru skelfilegar. Annað hvort yfir allan pakkann eða bara beint á fyrsta varnarmann KR. Alls ekki góður dagur fyrir hann og hans hornspyrnur.
Dómarinn - 7
Bara fínt hjá Sigurði í dag. Er samt ósammála nokkrum atvikum í leiknum en það er bara eins og gengur og gerist. Heilt yfir ágætis tök á leiknum og fínt flæði í þessu. Bara flottur í dag Siggi, ekkert út á hann að setja þannig séð.