SKÝRSLAN: Melatonin leikur í Grafarvoginum fyrstu 70 mínúturnar
Hvað réði úrslitum?
Gæðaleysi liðanna á sóknarhelming var svakalegt, fáir sóknarmenn í takti og liðin að tapa boltanum til skiptis nánast allan leikinn, komu varla færi í þetta fyrr en eftir 70 mínútur.
Bestu leikmenn
1. Baldvin Berndsen (Fjölnir)
Bogi stóð vaktina vel, var með Sami Kamel í vasanum og hugsanlega skoraði eina mark leiksins sem ekki var dæmt.
2. Guðmundur Karl (Fjölnir)
Seigur djöfull inná miðjunni að venju, skapaði besta færi Fjölnis þegar hann laumaði Reyni Haralds í gegn og djöflaðist endalaust.
Atvikið
Markið og ekki markið? Mér fannst boltinn klárlega inni í beinni, varð efins eftir að hafa skoðað útsendinguna, en er aftur seldur á mark eftir að hafa skoðað betri myndatöku frá Boga Berndsen eldri, pabba Baldvins sem skoraði. Þar virðist stoðfóturinn standa á línunni og sparkið úr markinu koma innan úr markinu sjálfu, ég dæmi mark!
Hvað þýða úrslitin?
Fjölnir er á toppnum og Keflavík er bæði í fallbaráttu og umspilsbaráttu, bara veisla!
Vondur dagur
Máni Austmann komst ekki í neinn takt við leikinn og það sást vel á sóknarleik Fjölnis, það má svosem líka nefna fleiri sóknarmenn á vellinum sem gerðu lítið sem ekkert, Edon Osmani, Orri Þórhalls, Sami Kamel... Sóknarmenn fá vondan dag!
Dómarinn - 4
Virkilega vel dæmdur leikur fyrir utan það að Maggi Garðars klikkar á að sjá ekki markið sem Baldvin ''skorar'', það er spikfeitur mínus!