Stefán Marteinn Ólafsson @Stefanmarteinn7

- Meðalaldur 24 ár

- Meðalaldur 25 ár

Textalýsing Skýrslan Viðtöl

Hvað réði úrslitum? Njarðvíkingar stýrðu leiknum og má alveg færa rök fyrir því að þeir hafi verið betri aðilinn og sköpuðu sér fleirri stöður en að því sögðu áttu Dalvíkingarnir líklega hættulegri færi. Eftir því sem leið á leikinn fann maður sterkt fyrir því að ef það kæmi marki þá yrði það ekki meira en þetta eina en bæði lið héldu út og fá sitthvort stigið á töfluna. Bestu leikmenn 1. Aron Snær Friðriksson Var besti maður vallarins í dag. Bjargaði öllu því sem á hann kom í dag. Varði í tvígang einn á einn og sýndi bara að hann sé besti markvörður deildarinnar. 2. Tómas Bjarki Jónsson Eru þó nokkrir sem ég gæti nefnt hérna en ef ég tek báða hálfleikana inn í þessa jöfnu þá er Tómas Bjarki heilt yfir sá sem fær kallið hér. Var hættulegur fram á við fyrir Njarðvíkinga og fínn varnarlega. Var að valda ursla í vítateig Dalvíkinga. Atvikið Bæði lið fá tækifæri einn á móti markmanni en fara illa með sínar stöður í sitthvorum hálfleiknum. Má velja í raun hvort færið sem er sem atvikið. Mér fannst kannski færið sem slíkt hjá Amin Guerro Touiki í fyrri hálfleik virkilega vel gert hjá honum en því miður fyrir hann og Dalvíkinga enn betur gert hjá Aroni Snær Friðrikssyni að koma út og loka.

Hvað þýða úrslitin? Njarðvíkingar bæta við stig stigi í 2.sæti deildarinnar og það sama má segja um Dalvíkinga á botni deildarinnar. Vondur dagur Amin Guerrero Touiki og Oumar Diouck klikkuðu báðir á færum einir á móti markmanni svo það er slæmur dagur á skrifstofunni. Annars er í raun erfitt að setja einhverja hér þar sem baráttan í þessum leik var það jöfn. Dómarinn - 6 Heilt yfir fínn fannst mér. Nokkur atriði sem voru kannski svolítið vafasöm en ekkert sem hafði endilega bein áhrif á úrslit leiksins. Njarðvíkingar vildu víti en fengu ekki í fyrri hálfleik, erfitt að segja hvort það hafi átt rétt á sér eða ekki svo ég held því ekki gegn teyminu.

- Meðalaldur 27 ár

- Meðalaldur 20 ár