FH fara með sigur hérna á heimavelli í kvöld. Viðtöl og skýrsla væntanleg.

Kjartan Kári að sleppa í gegn en setur boltann yfir markið!

Karl Ágúst með skalla að marki sem Sindri Kristinn tekur.

Smá samskiptaleysi í öftustu línu HK og Kristján Snær næstum búin að skalla boltann framhjá Arnari Freyr í markinu en Arnar Freyr nær að teygja sig tilbaka og handsama boltann.

FH búnir að ýta liðin sínu vel upp völlinn.

Gyrðir og Kjartan Kári í flottum færum með stuttu millibili en ná ekki að koma boltanum á markið.

Stuttu fyrir skiptingu vildu HK fá víti þegar Brynjar Snær reyndi að koma með fyrirgjöf en Ívar Orri fljótur að veifa höndum um að ekkert væri í þessu.

Karl Ágúst með skot sem Sindri Kristinn slær til hliðar.

Böðvar með hornspyrnu sem fellur niður í teignum hjá HK en HK-ingar ná að koma boltanum burt.

Kjartan Kári tekur aukaspyrnuna en hún er ekkert sérstök og fer framhjá markinu.

Bæði lið að reyna komast á bakvið varnirnar en gengur erfiðlega.

HK með flotta pressu og Sindri Kristinn sparkar í horn.

Grétar Snær með skot sem Arnar Freyr ver.

Afskaplega lítil hætta sem skapaðist úr þessu horni.

HK fær sitt fyrsta horn í leiknum.

Kjartan Kári kemur inn á vítateig og nær skoti á markið sem Arnar Freyr slær út í teig.

Ísak Óli ekki langt frá því að endurtaka leikinn frá því í fyrri hálfleik og skora eftir horn en boltinn yfir markið.

FH ekki lengi að vinna sínu fyrstu hornspyrnu í síðari hálfleik.

FH sparkar þessu af stað aftur.

Liðin fara jöfn til búningsklega. FH réði lögum og lofum hérna í upphafi leiks en svo eftir því sem líða tók á leikinn kom smá sjálfstraust í HK og þeir náðu inn jöfnunarmarki. Verið mun jafnara síðan þá. Tökum okkur stutta pásu.

+4 Allt annað að sjá til HK liðsins núna miðað við í upphafi leiks.

+1 Kraftur í Atla Þór sem lætur Ólaf Guðmunds finna fyrir sér. Aðeins meiri grimmd í HK núna miðað við byrjun leiks.

Atli Hrafn með skot yfir markið.

Það er smá bras í öftustu línu FH en Sindri Kristinn kemur vel út og tæklar boltann útaf.

FH að næla sér í enn eina hornspyrnuna.

FH hótar öðru marki en HK ná að henda sér fyrir! Ísak Óli fær boltann rétt fyrir utan teig og nær flottu skoti sem fer af varnarmanni og aftur fyrir.

George Nunn tekur aukaspyrnuna og setur hana undir vegginn en Sindri Kristinn ver þetta vel! Flottur kafli frá HK hérna.

Óli Guðmunds í allskonar brasi aftast og missir boltann. HK kemur boltanum yfir á George Nunn sem nær föstu skoti á markið en Sindri Kristinn ver þetta vel og FH brýtur svo rétt fyrir utan teig!

HK með sjaldséðan bolta fram yfir miðju en sendingin upp í horn slök og út fyrir endalínu.

Flott spilamennska hjá FH og fyrirgjöf sem endar með skalla frá Sigurði Bjart rétt framhjá.

Grétar Snær fer í gegnum Hákon Inga þegar hann hreinsar bolann og Hákon Ingi steinliggur. Ómar kallar á varamenn sona en sýnist Hákon Ingi ætla að harka áfram.

FH verið yfir í allri baráttu þessar fyrstu mínútur.

Þetta virkar alltof auðvelt fyrir FH. Þeir vinna boltann við vítateig HK og keyra inn á teig þar sem Böðvar kemur sendingu fyrir markið og Arnór Borg kemur tánni í boltann og Úlfur Ágúst hoppar yfir boltann til að láta hann fara og hann fer í stöngina!

FH að sundurspila sig í gegnum vörn HK en aftur er það Björn Daníel sem á skot sem fer framhjá markinu. Sigurður Bjartur með flottan bolta í gegnum vörn HK þar sem Björn Daníel tekur við honum og á bara eftir að sigra Arnar Freyr í marki HK en skotið framhjá.

Grétar Snær með laglegan bolta yfir vörn HK til Böðvars sem sker boltann út í teig fyrir Björn Daníel en skotið dregst framhjá markinu. Flottur spilkafli hjá FH.

Kjartan Kári fer illa með Þorstein Aron en er svo stöðvaður inni á teig.

FH vinnur fyrsta horn leiksins. Ástbjörn gerir vel að sækja það.

Fyrstu tvær mínúturnar liðnar og boltinn verið úr leik í svona eina og hálfa mín.

George Nunn liggur í grasinu og HK sparkar boltanum útaf.

Það eru gestirnir sem byrja með boltann.

FH gerir tvær breytingar á sínu liði frá síðasta leik. Grétar Snær Gunnarsson og Arnór Borg Guðjohnsen koma inn í liðið fyrir Vuk Oskar Dimitrijevic og Loga Hrafn Róbertsson. HK gera þá þrjár breytingar á sínu liði. Arnþór Ari Atlason, Ívar Örn Jónsson og Hákon Ingi Jónsson koma inn í liðið fyrir Leif Andra Leifsson, Magnús Arnar Pétursson og Atla Þór Jónasson.

Ívar Orri Kristjánsson fær það verkefni að dæma þennan leik í kvöld. Honum til aðstoðar verða Kristján Már Ólafs og Patrik Freyr Guðmundsson. Elías Ingi Árnason er fjórði dómari og sérlegur tækimaður á skiltinu. Jón Sigurjónsson sér svo um að allt fari rétt fram.

FH hafa verið að tína stig hér og þar. Hafnfirðingarnir mættu KA í síðasta leik og misstu þann leik niður í jafntefli. Sú niðurstaða verður hinsvegar að teljast að einhverju leyti sanngjörn þegar öllu er á botnin hvolft. FH hafa sótt átta stig úr síðustu fimm leikjum sínum og aðeins tapað einum. FH hafa sótt sterka sigra gegn t.d. Breiðablik. FH eru í baráttu við ÍA um 4.sætið en með sigri í kvöld geta þeir sett pressu á Breiðablik sem yrði þá bara þremur stigum frá í 3.sætinu. Tapi FH stigum er hætta á að þeir hellist úr lestinni. Markaskorun hefur aðeins verið til vandræða og hafa FH af toppliðunum skorað minnst eða 23 mörk. Þeir hafa fengið á sig 22 mörk og eru því með plús einn í markatölu. Mörk FH hafa raðast niður á: Úlfur Ágúst Björnsson - 5 mörk Sigurður Bjartur Hallsson - 5 mörk Björn Daníel Sverrisson - 4 mörk Kjartan Kári Halldórsson - b>3 mörk Ástbjörn Þórðarson - 2 mörk Vuk Oskar Dimitrijevic - 2 mörk *Aðrir minna

HK heimsóttu Skagamenn á Írskum dögum í síðustu umferð og fengu vægast sagt slæma útreið á Skipaskaga. HK-ingar töpuðu þar með átta mörkum gegn engu og vilja því eflaust gleyma þeim leik sem allra fyrst. Fyrir það höfðu þeir tapað fyrir KA með tveim mörkum gegn einu. HK hafa sótt 6 stig í síðustu fimm leikjum sínum. Markaskorun hefur verið hausverkur upp í Kórahverfi en HK hefur skorað fæst mörk allra liða í sumar eða 15 talsins. Þeir hafa fengið á sig 31 mark sem gerir mínus 16 í markatölu. Mörk HK hafa raðast niður á: Arnþór Ari Atlason - 5 mörk Atli Þór Jónasson - 3 mörk * Aðrir minna

Síðustu tveir leikir 14.umferðar fara fram í kvöld. Umferðin byrjaði í lok maí þegar liðin í Evrópu mættust innbyrðis og hélt áfram á fimmtudaginn þegar Fram tóku á móti KR og í gær þegar Vestri og KA mættust. Umferðin hefur spilast svona: Valur 5-1 Stjarnan Breiðablik 1-1 Víkingur R. Fram 1-0 KR Vestri 0-2 KA FH-HK Fylkir-ÍA Stöðutaflan: 1.Víkingur R. - 33 stig 2.Valur - 28 stig 3.Breiðablik - 27 stig 4.ÍA - 23 stig 5.FH - 21 stig 6.Fram - 19 stig 7.Stjarnan - 17 stig 8.KA - 15 stig 9.KR - 14 stig 10.HK - 13 stig 11.Vestri - 11 stig 12.Fylkir - 8 stig

Verið hjartanlega velkomin á Kaplakrikavöll þar sem heimamenn í FH taka á móti HK í 14.umferð Bestu deild karla.