SKÝRSLAN: Bræðrabardagi kveikti bálið
Hvað réði úrslitum?
Ætli það hafi ekki verið þetta eina mark sem Gummi Magg skorar í seinni hálfleiknum eftir vægast sagt huggulega afgreiðslu. Fram byrjaði betur en síðan tók KR-liðið alveg yfir leikinn og héldu áfram í byrjun seinni hálfeliks en brenddu á öllum þeim færum sem þeir fengu og voru að lokum refsaðir.
Bestu leikmenn
1. Ólafur Íshólm Ólafsson
Gjörsamlega geggjaður í dag. Gerði oft vel í stöðunni einn á einn og þá sérstaklega einu sinni þegar hann gjörsamlega át Benoný Breka. Greip eða kýldi alla bolta sem hann gat og var eins og kóngur í ríki sínu í dag. Geggjaður leikur hjá Óla!
2. Tiago Fernandes
Umferðastjórinn á miðjunni og skapaði nokkur góð færi fyrir Framara þegar lítið benti til að þeir væru að fara að gera eitthvað fram á við. Hann leggur síðan auðvitað upp þetta sigurmark. Frábær í dag líkt og svo oft áður hann Tiago.
Atvikið
Auðveldlega hægt að fara í markið sem réði úrslitum en ég verð að velja atvikið undir lok leiks þegar alt síður upp úr. Tryggvi Snær margbrýtur á bróður sínum Stefáni Geira og fer niður en þegar hann er að standa upp rífur Alex Þór hann upp og Tryggvi fer með hendurnar eitthvað í andlitið á honum. Tryggvi og Alex voru báðir á gulu og fengu báðir sitt annað gula spjald eftir þetta réttilega. Þetta tók einhverjar þrjár til fjórar mínútur en það var þessi bræðrabardagi milli Stefán Geirs og Tryggva Snæ sem byrjaði þessi læti öll sömul.
Hvað þýða úrslitin?
Framarar fara í efri helminginn en KR eru án sigurs síðan 20. maí eða í 108 daga. Aðeins þremur stigum frá fallsæti sem er gjörsamlega galið miðað við væntingar fyrir mót.
Vondur dagur
Mér fannst Benoný Breki fara illa að ráði sínu oftar en einu sinni í dag. Hefði einnig alveg getað valið allan sóknarleik KR þar sem færanýtingin var slök en því miður verður einhver að fá þetta og Benoný átti ekki góðan dag á skrifstofunni í dag því miður.
Dómarinn - 8
Líklega bara mjög umdeilt. Núna er ég að skrifa frá því sem ég sá á vellinum, ég sá allt mjög vel fannst mér og tel Twana hafa gert bara vel í þessum atvikum. Auðvitað ekkert fullkominn leikur en heilt yfir var þetta mjög vel dæmdur leikur og þetta voru hárrétt spjöld hjá honum í lokin ásamt því að spjalda Pálma Rafn.