Leiknismenn komust snemma yfir en Njarðvíkingar gerðu vel að vinna sig strax inn í leikinn aftur og leiddu bara nokkuð sanngjarnt í hlé. Í síðari hálfleik gat þetta dottið hvoru meginn sem er. Bæði lið sóttu til sigurs og var leikurinn opin og skemmtilegur fyrir vikið. Njarðvíkingar náðu inn þriðja markinu sem sló gestina svolítið en þegar þeir náðu svo að minnka muninn undir lokin þá urðu lokamínúturnar spennandi en Njarðvíkingar héldu út.

Þriðja mark Njarðvíkinga. Dominik Radic grunsamlega frír á teignum og fékk tvær tilraunir til að fullkomna þrennuna. Mark sem sló svolítið Leiknismenn útaf laginu.

Njarðvíkingar halda í 2.sætið og eru sex stigum á eftir Fjölni í efsta sætinu. Leiknismenn eru áfram í brekku og sitja áfram í 10 stætinu tveim stigum frá Gróttu í fallsæti.

Erfitt að ætla henda einhverjum undir rútuna hérna. Varnarleikur Leiknismanna í þriðja marki Dominik Radic var gríðarlega vondur svo ég gef því mómenti sérstaklega vondan dag.

Það voru nokkrar vafasamar ákvarðanir sem féllu í dag en líka margt mjög vel gert. Enginn ákvörðun sem skar úr um úrslit leiksins svo ég er einhverstaðar á miðjupólnum með teymið í dag.