Keflvíkinar verjast horninu vel

ÍR-ingar eru að vakna. Það er mark í þessum leik held ég, bara spurning hvar það kemur.

Keflvíkingar bægja hættunni frá

Villi gerir vel og grípur boltann

Jafnræði í þessu til að byrja með. ÍR-ingar aðeins skeinuhættari

Keflvíkingar bægja hættunni frá

Bragi Karl af öllum mönnum gerir vel og skallar frá

McAusland fellur niður í teignum en ekkert dæmt.

ÍR-ingar bægja hættunni frá eftir mikið klafs inni á teignum

Keflvíkingar bægja hættunni frá

ÍR-ingar að vinna sig hægt og rólega inn í leikinn.

Völlurinn er blautur þannig það er stutt í einhver mistök.

Ásgeir gerir vel og kýlir frá.

Keflvíkingar byrja leikinn mun betur.

ÍR-ingar spila í hvítum og bláum búningum, bláum stuttbuxum og hvítum sokkum.

Keflvíkingar spila í dökkbláum treyjum, dökkbláum stuttbuxum og dökkbláum sokkum.

Hrafnkell Freyr Ágústsson, fótboltasérfræðingur og málari, spáir í leikina sem eru framundan í Lengjudeildinni góðu.

ÍR 1 - 1 Keflavík (19:15 í kvöld)
Jóhann Birnir býður sínum gömlu félögum í heimsókn. Þetta verður frekar bragðdaufur leikur. ÍR-ingar skora snemma en Keflvíkingar jafna þetta.

Fan zone fyrir Keflavíkurleikinn!????

Opnar 17:30. Píla, borðtennis, stuð og stemning. Árni mætir svo upp úr 18:45 og fer yfir leikinn?????

Hvetjum fólk að mæta snemma í fan zone og styðja síðan strákana til sigurs!??????

ÁFRAM ÍR!????????#stórveldiðmætir | #stórveldireykjavíkur pic.twitter.com/VkDeAu4Eii

— ÍR Fótbolti (@IRFotbolti) July 18, 2024

Þann örlagaríka dag, 5. maí síðastliðinn, mættust þessi lið í 1. umferð Lengjudeildarinnar. ÍR-ingar voru nýlliðar en Keflvíkingar nýfallnir úr þeirri Bestu. Leikið var á gervigrasinu fyrir utan Reykjaneshöllina en ÍR-ingar gerðu sér lítið fyrir og unnu stórglæsilegan 2-1 sigur með mörkum frá Braga Karli og Stefáni Þór.

Twana Khalid Ahmed stýrir flautukonsertinu í kvöld en honum til aðstoðar verða þeir Guðni Freyr Ingvason og Arnþór Helgi Gíslason. Sigurður Hannesson er eftirlitsmaður KSÍ.

Ekkert lið hefur komið meira á óvart í Lengjudeildinni en nýlliðarnir úr Breiðholtinu, ÍR-ingarnir. ÍR situr í 4. sæti deildarinnar eftir að hafa unnið tvo 3-0 sigra í röð á Grindavík og Aftureldingu. Einnig eru þeir heitasta lið deildarinnar með 13 stig af 15 mögulegum í seinustu 5 leikjum.


Fimm heimaleikir í röð og ósigraðir
Með sigri í kvöld og öðrum hagstæðum úrslitum gætu Breiðholtsbúar farið upp í 2. sætið í deildinni sem væri hreint út sagt magnað miðað við nýlliða. ÍR-ingar eru búnir að spila þrjá heimaleiki í röð núna og eiga tvo heimaleiki í röð eftir. Þeir eru taplausir á heimavellinum sínum í Skógarseli. Bragi Karl er einnig markahæsti leikmaður Lengjudeildarinnar í dag með 8 mörk. Bragi var einmitt markakóngur 2. deildarinnar í fyrra en hann hefur svo sannarlega fundið taktinn í Lengjudeildinni.

Keflvíkingar hafa farið hægar af stað en fólk átti von á en þeir sitja í 8. sæti deildarinnar með 15 stig. Þar af eru 6 jaftefli en það hefur ekkert lið í þessari miklu jafnteflisdeild gert oftar jafntefli en Keflavík. Það jákvæða þó fyrir Keflvíkinga er að þeir unnu seinasta leikinn sinn gegn Gróttumönnum á heimavelli 2-1. Spurning hvort þeir séu vaknaðir núna Keflvíkingarnir.

Heilir og sælir ágætu lesendur og veriði hjartanlega velkomin í þessa þráðbeinu textalýsingu úr Mjóddinni frá leik ÍR og Keflavíkur í Lengjudeildinni.