SKÝRSLAN: Lélegar ákvarðanatökur
Hvað réði úrslitum?
Keflvíkingar tóku forystuna snemma leiks og gerðu vel í að halda það út. Gunnlaugur Fannar fær auðvitað rautt spjald undir lok fyrri hálfleiks en ÍR-ingar fóru illa að ráði sínu í seinni hálfleik og náðu aldrei að koma boltanum yfir línúna. Lélegar ákvarðanatökur á seinasta þriðjung vallarins urðu ÍR-ingum að falli í seinni hálfleik, og jafnvel í þeim fyrri líka.
Bestu leikmenn
1. Ásgeir Orri Magnússon
Það er erfitt að velja einhvern eitt þar sem Keflvíkingar vörðust mjög vel í kvöld. Ég vel samt Ásgeir því mér fannst hann gera fá mistök og var heilt yfir drullugóður. Átti teiginn og gerði vel í sínum aðgerðum.
2. Oleksii Kovtun
Eins og ég segi að þá er erfitt að velja einhvern einn. Olieksii vann mörg návígi í kvöld og gerði vel heilt yfir.
Atvikið
Það er auðvitað alltaf hægt að velja sigurmarkið en ég myndi klárlega velja rauða spjaldið á Gunnlaug Fannar. Glórulaust hjá varnarmanninum. Galið olnbogaskot sem á ekki heima inni á fótboltavellinum.
Hvað þýða úrslitin?
Keflvíkingar minnka muninn í ÍR í eitt stig á fara upp í 5. sætið í bili. Þetta var einnig fyrsta tap ÍR-inga á heimavelli í sumar.
Vondur dagur
Leikurinn í kvöld var keimlíkur leik ÍR gegn Njarðvík um daginn. ÍR-ingar komu sér oft í góðar stöður ofarlega á vellinum en lélegar ákvarðanatökur urðu Breiðhyltingum að falli.
Dómarinn - 4
Mér fannst línan ekkert eðlilega óskýr í kvöld hjá Twana og teyminu. Ég er kannski ekki hlutlaus en það voru svo ótrúlega margir dómar sem ég var svo ótrúlega ósammála í báðar áttir. Rauða spjaldið var hins vegar rétt en eins og ég segi; línan var eins óskýr og hún gat verið, það var ekkert flæði í leiknum og hann var með enga stjórn á honum.