Kári Snorrason @karisnorra

- Meðalaldur 25 ár

- Meðalaldur 23 ár

Textalýsing Skýrslan

Hvað réði úrslitum? Atvik leiksins gerðist í byrjun síðari hálfleiks er Grindavík fengu víti og rautt dæmt á sig. Þá var brekkan orðin ansi brött og ansi erfitt að koma til baka marki undir og manni færri gegn toppliðinu, má segja að það hafi verið vendipunktur leiksins. Leikurinn fram að því var nokkuð jafn, Fjölnismenn þó aðeins líklegri. Bestu leikmenn 1. Máni Austmann Hilmarsson Máni skoraði þrennu í kvöld en sótti einnig víti og rautt, þokkalegur dagur hjá Mána. 2. Dagur Ingi Axelsson Dagur Ingi var frábær á kantinum í dag átti eina stoðsendingu og var iðinn allan leikinn. Atvikið Hvar á maður að byrja. Ég tek það fram að ég sá ekki atvikið og streymið á leiknum fraus einmitt á sama tíma og atvikið á sér stað. Miðað við það sem ég heyri menn segja á Eric Vales að hafa farið með hendina í hausinn/andlitið á Mána. Aðalbjörn Heiðar bendir þá á punktinn og tekur upp rauða spjaldið. En gefur ekki Eric Vales spjaldið, nei nei hann rekur Dennis Nieblas af velli. Dennis var fyrir utan teig er atvikið gerðist og því ekki nálægt brotinu. Leikmenn, liðsstjórn Grindavíkur og brotaþolinn Máni Austmann segja allir dómaranum að Dennis sé ekki sá brotlegi heldur Eric Vales en dómararnir reka Dennis af velli. Stórskrýtið mál í alla staði!

Hvað þýða úrslitin? Fjölnir eru með sex stiga forskot á toppi deildarinnar. Grindavík eru í 7. sæti þó aðeins einu stigi frá umspilssæti. Vondur dagur Auðveld ákvörðun, dómaratríóið. Eric Vales fær þó annað sætið fyrir að brjóta af sér inn í teig ef dómurinn var réttur. Dómarinn - 0 Fyrir svona stór mistök þá fær tríóið einfaldlega 0 í einkunn. Til að bæta gráu ofan á svart þá var hendi í aðdraganda marki Grindavíkur.

- Meðalaldur 31 ár

- Meðalaldur 18 ár