SKÝRSLAN: Grótta nælir sér í þrjú mikilvæg stig í dramatískum leik
Hvað réði úrslitum?
Grótta hófu leikinn mjög vel og áttu skilið að vera einu marki í hálfleik eftir marki frá Kristófer Orra. Í seinni hálfleik jafnar Josip Krznaric metið eftir góða byrjun hjá Grindavík í seinni hálfleik. Það var mjög jafnt á liðum þanga til að Turkus brýtur á inn í teig og fær á sig rautt spjald. Pétur klúðrar vítinu, en fær svo boltann aftur og skorar. Eftir þetta reyndi Grindavík að jafna metið einum færri, en það var of erfitt verkefni.
Bestu leikmenn
1. Kristófer Orri Pétursson
Kristófer var mjög flottur á vellinum og var mikið að stjórna spilinu. Hann skoraði líka fyrsta mark leiksins með flottu skoti.
2. Josip Krznaric
Stýrði spili Grindavíkur ótrúlega vel og var allt í öllu á vellinum. Hann skoraði líka flott mark eftir hornspyrnu.
Atvikið
Öll atvik leiksins tengdust Twana. Twana ætlaði fyrst að dæma ranglega rautt spjald á Arnar Þór og hann var búinn að taka rauða spjaldið úr vasanum, en hann fór svo að tala við aðstoðar dómarann og breytti dómnum. Annað atvik var brotið frá Turkus inn í teig þegar Grótta fékk víti og Turkus fékk rautt. Haraldur, þjálfari Grindavík vildi meina að þetta væri gult spjald.
Hvað þýða úrslitin?
Grótta liggur núna í 10. sæti deildarinnar eftir sigurinn. Grindavík er í 8. sæti deildarinnar.
Vondur dagur
Bæði lið áttu góðan leik og þannig er erfitt að velja leikmenn sem áttu vondan leik. Létt er hægt að nefna Matevz Turkus sem fékk dæmt á sig rautt spjald og hafði það áhrif á leikinn fyrir Grindavík.
Dómarinn - 4
Twana og hans menn voru ekki með mikla stjórn á leiknum og línan Twana breyttist mikið í þessum leik. Það var oft dæmt brot á atvik og svo ekki dæmt fyrir það sama atvik.