SKÝRSLAN: Breiðablik náði inn mjög mikilvægu marki fyrir seinni legginn
Hvað réði úrslitum?
Breiðablik nýttu ekki sénsana sína í síðari hálfleik til þess að jafna leikinn að lágmarki en náðu þó inn einu mjög mikilvægu marki sem gæti orðið verndipunkturinn í þessu einvígi. Drita menn voru sprækari en Breiðablik fyrstu tuttugu mínúturnar en svo tóku Breiðablik yfir leikinn. Spiluðu síðari hálfleikinn frábærlega. Breiðablik sköpuðu sér nóg af færum til að ná inn jafntefli eða jafnvel sigri því Drita menn urðu snemma þreyttir og fóru snemma að gefa sér rosalegan tíma í öll föst leikatriði og reyndi liðið eins og það gat til að drepa leikinn sem tókst en Blikarnir voru virkilega ferskir í síðari hálfleik.
Bestu leikmenn
1. Höskuldur Gunnlaugsson (Breiðablik)
Höskuldur var geggjaður í kvöld þrátt fyrir að liðið tapaði. Fórnaði sér í hvern einasta bolta og dreif sitt liðið áfram þrátt fyrir erfiða stöðu inn í hálfleikinn. Höskuldur átti stóran þátt í marki Breiðablik þegar hann lagði boltann inn á Ísak Snæ
2. Ísak Snær Þorvaldsson
Besta sem ég hef séð frá Ísaki í sumar. Var að koma sér í færi og virkilega sterkur í kvöld. Skoraði þetta mikilvæga mark eftir frábæran undirbúning frá Höskuldi og mark sem gæti svo sannarlega skipt máli.
Atvikið
Atvikið með Kristófer Inga er atvikið í kvöld. Klikkaði að skrá hann til UEFA í aðdraganda leikksins. Fjölmiðlum tjáð að hann væri til staðar á bekknum en sást svo stuttu seinna labba í stúkunni en þá gaf UEFA Blikum ekki leyfi til að spila Kristófer Inga. Ansi athyglisvert atvik.
Hvað þýða úrslitin?
Drita fer með 1-2 forskot inn í síðari leikinn en þrátt fyrir það er allt enþá galopið og Blikarnir á sínum degi geta klárað þetta einvígi úti.
Vondur dagur
Skrifstofa Blika - Það urðu rosalega mistök fyrir leikinn í kvöld en félagið klúðraði að skrá Kristófer Inga í leikinn í kvöld til UEFA en Blikunum hefði svo sannarlega veitt af því að hafa hann til staðar í kvöld. Mistök sem Blikarnir læra vonandi af og við fáum ekki að sjá svona aftur.
Dómarinn - 4
Tékkarnir voru í einhverju rugli og ég er enþá að reyna átta mig á línunni þeirra. Þeir leyfðu Drita mönnum að komast upp með ansi mikla töf í síðari hálfleiknum sem ég skil ekki. Faton Maloku átti svo að fjúka útaf með tvö gul þegar hann var að taka markspyrnu, hljóp að boltanum en færði hann á annan stað í stað þess að sparka boltanum í leik. Augljóst gult fyrir töf en Tékkarnir leyfðu markverði Drita að komast upp með þetta.