Matthías Freyr Matthíasson @mattimatt

Textalýsing Skýrslan Viðtöl

Hvað réði úrslitum? Vítaspyrnan sem Ísak nældi í fyrri hálfleik og Höskuldur skoraði svo úr varð til þess að brjóta ísinn. Blikar voru búnir að reyna hvað þeir gátu að brjóta vörn Fylkismanna niður án árangurs en það hafðist loksins og eftir það var þetta aldrei nokkur spurning. Bestu leikmenn 1. Höskuldur Gunnlaugsson Fyrirliðinn með stóru F-i. Leiðir sína með áfram og skoraði tvö mörk úr tveimur vítaspyrnum og er óheyrilega góður í fótbolta 2. Ísak Snær Þorvaldsson Ísak skoraði ekki í kvöld en hann svo sannarlega lét finna fyrir sér og fékk tvær vítaspyrnur. Atvikið Fyrri vítaspyrnan sem Blikar fengu. Fylkismenn gríðarlega ósáttir við þann dóm en ég sem er bara búinn að sjá það live, það er að segja, ekki búinn að sjá það endursýnt, fannst þetta vera réttur dómur. En það gæti breyst við að skoða í endursýningu.

Hvað þýða úrslitin? Blikar minnka forskot Víkinga í 6 stig og eiga leik til góða á þá. Mikilvægur sigur í þeirra baráttu um toppsætið. Fylkismenn sitja ennþá í næst neðsta sætinu og verða helst að treysta á að HK og KR geri jafntefli þannig að annað hvort þeirra liða verði ekki komin of langt á undan þeim í fallbaráttunni. Vondur dagur Ásgeir Eyþórsson fyrirliði Fylkis tekur Ísak niður í seinni hálfleik, afskaplega klaufalega gert og Ísak fær sína aðra vítaspyrnu í leiknum. Dómarinn - 8,5 Miðað við að ég haldi að fyrri vítaspyrnudómurinn sé réttur að þá fær Ívar Orri 8.5 fyrir þennan leik. Ef þetta er rangur dómur, þá dettur hann niður í 7.