Guðmundur Aðalsteinn Ásgeirsson @gummi_aa

Textalýsing Skýrslan Viðtöl

Hvað réði úrslitum? Víkingar voru bara klaufar. Þeir gefa þeim ódýrt mark til að byrja með og eru svo bara klaufar að nýta ekki þau færi sem þeir fá. Íslands- og bikarmeistararnir áttu gríðarlega margar fyrirgjafir en náðu ekki að nýta þær til að vinna leikinn. Bestu leikmenn 1. Gísli Gottskálk Þórðarson (Víkingur R.) Átti frábæran leik á miðsvæðinu. Með silkihreyfingar og frábærar sendingar. Víkingar hefðu þurft að gera meira við það sem hann var að bjóða upp á. 2. Davíð Örn Atlason (Víkingur R.) Átti margar frábærar fyrirgjafir sem Víkingar hefðu átt að nýta betur, þá sérstaklega í fyrri hálfleik. Atvikið Það var klaufamarkið sem Flora Tallinn skoraði. Þeir þorðu varla að vera með boltann í leiknum og að gefa þeim svona klaufalegt mark er afskaplega dýrt. Og þetta var bara algjör gjöf.

Hvað þýða úrslitin? Liðin mætast aftur í næstu viku í Eistlandi. Þá er bara að duga eða drepast fyrir Víkinga. Vondur dagur Jón Guðni Fjóluson gerði slæm mistök í vítaspyrnunni sem Flora Tallinn fær. Einbeitingarleysi sem er dýrt. Hann var ekki eini leikmaður Víkings sem gerði klaufaleg mistök í leiknum en hans kostuðu mikið. Dómarinn - 7 Mér fannst teymið hjá Armeníu bara dæma þetta frekar vel. Komust vel frá sínu þó þeir hefðu alveg mátt ýta meira við Eistunum sem voru lengi að gera allt eftir að þeir skoruðu mark sitt.