Heyr mína bæn! Liðin ganga til vallar og klappa fyrir stuðningsmönnunum á meðan heyr mína bæn ómar í tækjunum.

Kjartan um mögulega endurkomu fyrr á árinu Kjartan Henry, aðstoðarþjálfari FH, er í leikmannahóp FH í dag. Fyrr á árinu fór Kjartan Henry í viðtal þegar dregið var í Mjólkurbikarnum. Hann var þá spurður í lok viðtalsins hvort að honum kítli eitthvað að reima á sig takka skóna og spila fótbolta í sumar. Hann hafði eftirfarandi að segja þá.

„Nei nei, ég er alltaf í takkaskóm, er að trappa mig niður. Ég er farinn úr plastinu og yfir í þjálfara leðurskóna. Ég hef rosalega gaman af þessu, gaman að vera í kringum strákana og hjálpa þeim. Sérstaklega núna að fá sigur fyrir norðan, það er ekki auðvelt, þetta er bara hrikalega gaman og ég er bara spenntur fyrir sumrinu," sagði Kjartan.

Flóki í viðtali Kristján Flóki í næyju og skemmtilegu viðtali við Sæbjörn. Flóki var að ganga í raðir FH frá KR á dögunum en hann er meiddur, hann byrjar að æfa á fullu á morgun sagði Flóki í viðtalinu.

Útskýring hvers vegna Gyrðir er ekki með

   09.08.2024 11:41

Staðfestir samkomulag milli KR og FH - „Þannig upphæð að menn þurfa að hugsa sig vel um"

Þeir Ástbjörn Þórðarson og Kristján Flóki Finnbogason eru fjarri góðu gamni vegna meiðsla.

Byrjunarliðstíðindi Frá liði KR sem átti að byrja gegn HK á fimmtudag er ein breyting. Samkomulag er á milli KR og FH um að Gyrðir Hrafn Guðbrandsson spili ekki leikinn og inn í liðið kemur Eyþór Wöhler. Birgir Steinn Styrmisson snýr þá aftur á bekkinn eftir að hafa fengið heilahristing í síðasta mánuði og Alexander Rafn Pálmason, sonur Pálma Rafns þjálfara, er á bekknum. Hann er fæddur árið 2010.

Tvær breytingar eru á liði FH frá leiknum gegn Víkingi. Ólafur Guðmundsson og Jóhann Ægir Arnarsson taka út leikbann og þeir Dusan Brkovic og Arngrímur Bjartur koma inn í liðið.

Kjartan Henry Finnbogason, aðstoðarþjálfari FH, er í leikmannahópnum í dag. Hann er auðvitað fyrrum leikmaður KR. Bjarni Guðjón Brynjólfsson og Allan Purisevic koma einnig inn á bekkinn.

Góð spá frá ennþá betri manni Hinn 17 ára gamli Róbert Elís Hlynsson var hetja ÍR í 1-0 sigri gegn Þrótti á dögunum. Hann hefur verið virkilega góður í sumar í liði ÍR sem hefur komið á óvart í Lengjudeildinni.

Róbert fékk það verkefni að spá í leiki 18. umferðar í Bestu deild karla en umferðin hefst á eftir.

Róbert er afskaplega góður í fótbolta en hann er ennþá betri manneskja.

KR 0 - 1 FH (18:15 í kvöld)
Helmingur af leikmönnunum í þessum leik mega greinilega ekki taka þátt. Þetta verður jafn leikur og ekki mikill fótbolti spilaður. FH potar einu inn í seinni hálfleik.

Liðin skiptast á leikmönnum og styrkja sig KR-ingar sóttu Guðmund Andra frá Val núna á dögunum en hann skrifar undir 5 ára samning í Vesturbænum. Þá hefur KR einnig fengið Gyrði Hrafn og Ástbjörn Þórðarson frá FH.
Í skiptum fyrir Gyrði og Ástbjörn fór Kristján Flóki í hina áttina en hann er orðinn leikmaður FH í dag.
Gyrðir sagði í viðtali við .net eftir vistaskiptin að hann sé spenntur að spila fyrir merkið aftur.
FH-ingar hafa þá einnig sótt miðjumann frá Gent sem heitir Robby Wakaka. Arnar Þór Viðarsson, fyrrum A landsliðsþjálfari, er yfirmaður fótboltamála hjá belgíska liðinu en bróðir hans, Davíð Þór Viðarsson, er yfirmaður fótboltamála hjá FH.

Þrír í banni Þrír leikmenn eru í banni í dag. Tveir hjá FH og einn hjá KR.

Jóhann Ægir Arnarsson og Ólafur Guðmundsson eru þeir leikmenn FH sem eru í banni í dag.

Finnur Tómas Pálmason, leikmaður KR, er þá einnig í banni. Hann átti að taka út leikbannið gegn HK en þar sem leiknum var frestað tekur hann það út í dag.

Þriðja liðið Ívar Orri Kristjánsson stýrir flautukonsertinu í dag en honum til halds og trausts verða þeir Birkir Sigurðarson og Kristján Már Ólafs. Gunnar Oddur er skiltadómari en Gylfi Þór Orrason er eftirlitsmaður KSÍ.

FH-ingar í Evrópubaráttu FH tapaði 3-2 gegn Víking Reykjavík í seinustu umferð. Liðið lenti undir en voru snöggir að koma til baka og leiddu 2-1 í hálfleik. Víkingar kláruðu hins vegar leikinn í lokin 3-2.

FH er í 4. sæti aðeins þremur stigum á eftir Valsmönnum og 6 stigum á eftir Breiðablik sem eru í 2. sæti.

Hafnfirðingarnir eru í bullandi Evrópubaráttu eftir að hafa lent í 5. sæti á seinustu leiktíð. Þeir hafa verið að spila mjög vel í seinustu leikjum.

Seinasti sigur KR kom gegn FH Mótið hefur farið herfilega af stað fyrir KR en þeir eru aðeins einu stigi á eftir HK sem eru í fallsæti. Seinasti sigur KR kom einmitt gegn FH í 7. umferð, þann 20. maí.

KR-ingar mættu í Kórinn í seinustu umferð en þar sem stönginn á öðru markinu var brotin fór leikurinn ekki fram og verður spilaður seinna. KR-ingar dóu ekki ráðalausir en þeir tóku þá bara létta æfingu í Kórnum í staðinn. Vel gert.

Óskar Hrafn er núna mættur í Vesturbæinn en það verður áhugavert að sjá hvaða áhrif hann mun hafa á þetta KR-lið sem þarf sigur.

Sú lang Besta! Heilir og sælir ágætu lesendur, við heilsum héðan úr Vestubænum þar sem leikur KR og FH fer senn að hefjast. Gífurlega mikilvægur leikur fyrir bæði lið sem eru í hörkubaráttu á sitthvorum enda töflunnar.