Greinilegt var að bæði lið voru svekkt eftir leik. Jafnræði var með liðunum í fyrri hálfleik en í þeim seinni voru FH-ingar mun betri og var það Ögmundi Kristinssyni að þakka að FH jafnaði ekki fyrr. Valsarar fóru í 5 manna vörn undir lok leiks en þá náðu FH-ingar að jafna í 1-1. Eftir það voru FH-ingar líklegri að taka sigurinn en Kristinn Freyr kom Völsurum óvænt yfir á ný en forystan dugði ekki lengi.

Fyrir utan seinna jöfnunarmark FH hlýtur það að vera darraðadansinn í teig Valsara. Ögmundur varði með hausnum og Bjarni Mark á línu.

Valur er að stimpla sig úr toppbaráttunni, átta stig í Víking og Breiðablik. FH er í harðri Evrópubaráttu, aðeins tvö stig í ÍA sem eru í 4. sæti.

Valsarar hugmyndasnauðir fram á við. Gylfi Þór var lítið í boltanum og þá gerist greinilega lítið. Gylfi fær því miður þessa nafnbót.

Tríóið með allt í teskeið. Virkilega vel gert að dæma ekki hendi á Ögmund þegar hann virtist taka með höndum fyrir utan teig en svo var ekki. Elías og félagar geta farið hæstánægðir að sofa í kvöld!