Gríðarlega þéttur og agaður varnarleikur alls ÍA liðsins, sérstaklega í seinni hálfleik gerði það að verkum að Víkingar fengu lítil sem engin opin færi. Fyrri hálfleikur var gríðarlega skemmtilegur og voru bæði lið að sækja mikið og hratt en Skagamenn voru mun betri eftir að þeir jafna metin á 9 mínútu leiksins.

Til marks um hversu óánægðir Víkingar voru með leik sinna manna var það að þeir gerðu 4 skiptingar í hálfleik. Ég hef ekki séð slíkt gert áður í efstu deild.

Víkingar eru í efsta sæti deildarinnar, en einungis á betri markatölu en Breiðablik. Skagamenn eru núna einungis einu stigi á eftir Valsmönnum sem sitja í þriðja sæti og eru komnir tveimur stigum á undan FH sem sitja í 5 sæti.

Lítið sást til Helga Guðjóns í dag sem og í raun sóknarlínu Víkinga.

Vel dæmdur leikur.