Þróttarar byrjuðu miklu betur og ótrúlegt að það var bara 1-0 í hálfleik en Keflvíkingar komu sterkari í seinni hálfleikinn. Þróttarar ógnuðu hressilega í lokin síðan sem skilaði sigurmarkinu.

Sigurmarkið í lokin hjá varamanninum Sigurði Steinari sem var ekki búinn að vera með góða innkomu í leikinn fannst mér áður en hann kláraði þetta færi í lokin. Alvöru dramatík.

Þróttarar eru 5 stigum frá umspilssætinu og miði er enn möguleiki fyrir þá eftir sigurinn í dag. Keflvíkingar fara hins vegar fyrir neðan granna sína í Njarðvík í 4. sætið á markatölu og eru einnig með jafnmörg stig og ÍR. Þetta er ruglaður pakki þarna í þessari baráttu um umspilssætin. Þróttarar lifa í voninni líkt og Sigga Beinteins.

Gunnlaugur Fannar gaf Þrótturum fyrsta markið þegar hann ætlar að senda til baka en Liam Daði kemst fyrir og klárar. Síðan átti hann að fá rautt að mínu mati líka.

Mér fannst teymið bara dæma þetta feykivel. Fannst Gunnlaugur heppinn að sleppa við að fá annað gula undir lok fyrri hálfleiks en fyrir utan kannski það var þetta mjög vel dæmt.