Eins og svo oft þegar Blikarnir spila þá eru gæði bara töluvert meiri. Aðeins eitt mark skildi að í hálfleiknum en munurinn hefði átt að vera meiri. Blikarnir keyrðu svo yfir þetta í seinni hálfleiknum og skoruðu góð mörk.

Vítadómurinn í fyrri hálfleiknum. Twana lét nægja að lyfta aðeins gulu spjaldi en mér fannst þetta verðskulda rautt spjald í ljósi þess að ekki var gerð tilraun til þess að vinna boltann. Birta Georgs þurfti að fara meidd útaf í kjölfarið.

Blikar halda áfram að elta Valsarana sem eru stigi á undan Blikum. Víkingar sitja í 4. sæti stigi á eftir Þór/KA.

Víkingar áttu ekki góða innkomu inn í seinni hálfleikinn er þær fengu á sig tvö mörk með stuttu millibili sem gerði útum vonir þeirra um að fá eitthvað fyrir sinn snúð úr þessum leik.

Fínt yfir það heila hjá Twana en mér fannst að hann hefði átt að víkja Ernu af velli fyrir brot hennar þegar hún fékk á sig vítaspyrnu.