SKÝRSLAN: Selfoss hænuskrefi frá því að tryggja sér upp í Lengjudeildinna eftir dramatískan sigur
Hvað réði úrslitum?
Selfoss komst yfir á fyrstu mínútu leiksins, en eftir markið tók Haukar nánast yfir leiknum. Þó náði Haukar aldrei að koma boltanum í netið, nema þegar það var orðið of seint.
Bestu leikmenn
1. Gonzalo Zamorano
Gonzalo með flotta takta í leiknum og skorar bæði mörk Selfyssinga í dag.
2. Robert Blakala
Var svakalegur í dag, hélt selfyssingum inn í þessum leik og átti nokkrar frábærar vörslur
Atvikið
Atvik leiksins var vítadómurinn sem átti aldrei að vera. Aron Fannar er kominn einn gegn Magnúsi í markinu. Aron dettur inn í teig, en það var létt að sjá að enginn snerting var þarna á milli Aron og Magnúsi . Haukamenn voru réttilega fúlir við þessum dómi.
Hvað þýða úrslitin?
Selfoss eru ótrúlega nálægt því að tryggja sér sæti beint aftur upp í Lengjudeildinna eftir þenna sigur í dag. Þeir eru í fyrsta sæti með 44 stig. Haukar sitja enn þá í 7. sæti deildarinnar eftir tapið í dag með 26 stig.
Vondur dagur
Magnús í markinu átti lélega tilraun þegar hann reynir að kýla boltanum úr teignum í fyrsta markinu, sem veldur því að Gonzalo fær boltann frá Magnúsi og kemur honum inn í netið. Annars vantaði betri nýtingu í þeim fjölmörgum færum sem Haukar fengu, sérstaklega í fyrri hálkfleik, þar sem boltinn endað oftast rétt framhjá eða í stöngina.
Dómarinn - 3
Alls ekki vel dæmdur leikur hjá Pétri og mönnunum hans. Það var ekki slétta línu á dómgæslunni í leiknum og svo til að toppa allt þá var þessi vítadómur alveg gal vitlaus.