Fyrri hálfleikurinn réði algjörlega úrslitum hér í kvöld. Afturelding voru mikið mun betri og grimmari og kláruðu leikinn af strax á fyrsta rúmlega hálftímanum. Njarðvíkingar mættu hreinlega ekki til leiks í fyrri hálfleik og Afturelding léku sér að þeim. Í síðari hálfleik náði Njarðvík inn marki en var aldrei líklegt til að koma með einhverja endurkomu.

Öll mörk Aftureldingar virkuðu svo áreynslulaus og auðveld en eftir annað markið frá Aron Elí þá sá maður strax í hvað stefndi.

Afturelding lyftir sér upp í umspilsæti eða 4.sætið og er aðeins tveim stigum frá toppnum. Njarðvíkingar detta niður í 5.sætið í bili en geta með óhagstæðum úrslitum endað fyrir utan umspilsæti eftir þessa umferð.

Njarðvík í fyrri hálfleik var átakanlega vont.

Solid frammistaða hjá teyminu í dag að mínu mati. Helstu ákvarðanir í leiknum voru réttar og ekkert út á teymið að setja í sjálfu sér.