Heimakonur í Þór/KA skoruðu eitt löglegt mark á meðan að FH gerði það ekki. (Að mati dómara leiksins) Í grunninn var það eini munurinn á liðunum í dag. Jú Þór/KA fékk fleiri færi heilt yfir og er kannski verðskuldaður sigurvegari en stórt atvik situr þó í manni eftir á.

Að því er virtist löglegt mark var dæmt af FH í fyrri hálfleik., Snædís María skallar boltann inn eftir horn en Bríet dæmir brot á Valgerði að því er virtist fyrir engar sakir. Á sjónvarpsmyndum að dæma er um kolrangann dóm að ræða.

Þór/KA styrkir stöðu sína í þriðja sæti og jafnar stigafjölda sinn frá því í fyrra með 33 stig. FH áfram í 5.sæti með 25 stig.

Mér finnst hreinlega ósanngjarnt að taka einverja út fyrir sviga hér. Leikmenn sem og aðrir á vellinum vissulega að leggja sig fram og gera sitt allra besta. Thelma Karen nagar sig samt eflaust í handarbökin fyrir að eiga þessa hörmulegu sendingu út frá vörn FH sem sigurmark heimakvenna kemur upp úr.

Risa atvik þegar hún dæmir löglegt mark af FH. Engar stórar gloríur þess utan en Bríet má fara að taka skref upp á við sem dómari. Mikið traust á hana lagt sem mér finnst hún ekki alltaf standa undir.