Sverrir Örn Einarsson @SEinarsson

- Meðalaldur 27 ár

- Meðalaldur 19 ár

Textalýsing Skýrslan

Hvað réði úrslitum? Heimakonur í Þór/KA skoruðu eitt löglegt mark á meðan að FH gerði það ekki. (Að mati dómara leiksins) Í grunninn var það eini munurinn á liðunum í dag. Jú Þór/KA fékk fleiri færi heilt yfir og er kannski verðskuldaður sigurvegari en stórt atvik situr þó í manni eftir á. Bestu leikmenn 1. Sandra María Jessen Þarf ekkert að sjást mikið í leiknum eða vera mikilvægur hluti af spili. Alltaf poppar hún upp á réttum augnablikum fyrir sitt lið og setur mark sitt á leikinn. 2. Jónína Linnet Ég hreifst af frammistöðu Jónínu gegn Söndru Maríu lengst af í leiknum. Hélt henni algjörlega niðri í fyrri hálfleik og má vera stolt af sinni frammistöðu þó úrslitin séu súr. Atvikið Að því er virtist löglegt mark var dæmt af FH í fyrri hálfleik., Snædís María skallar boltann inn eftir horn en Bríet dæmir brot á Valgerði að því er virtist fyrir engar sakir. Á sjónvarpsmyndum að dæma er um kolrangann dóm að ræða.

Hvað þýða úrslitin? Þór/KA styrkir stöðu sína í þriðja sæti og jafnar stigafjölda sinn frá því í fyrra með 33 stig. FH áfram í 5.sæti með 25 stig. Vondur dagur Mér finnst hreinlega ósanngjarnt að taka einverja út fyrir sviga hér. Leikmenn sem og aðrir á vellinum vissulega að leggja sig fram og gera sitt allra besta. Thelma Karen nagar sig samt eflaust í handarbökin fyrir að eiga þessa hörmulegu sendingu út frá vörn FH sem sigurmark heimakvenna kemur upp úr. Dómarinn - 5,5 Risa atvik þegar hún dæmir löglegt mark af FH. Engar stórar gloríur þess utan en Bríet má fara að taka skref upp á við sem dómari. Mikið traust á hana lagt sem mér finnst hún ekki alltaf standa undir.

- Meðalaldur 20 ár

- Meðalaldur 19 ár