Stefán Marteinn Ólafsson @Stefanmarteinn7

Textalýsing Skýrslan

Hvað réði úrslitum? Leikur sem bauð ekki upp á mikla skemmtun. Ekki mikið um færi og baráttan á miðjunni í fyrirrúmi. Markalaust og ekki mikið meira um þennan leik að segja í raun. Bæði lið komust í ágætis stöður en vantaði bara að klára með síðustu sendingu eða skoti. Bestu leikmenn 1. Joao Ananias Fannst hann vera öflugur á miðjunni hjá Njarðvíkingum í dag. Var klár í allan barning og losaði oft um pressu. Átti nokkur móment sóknarlega líka. 2. Axel Ingi Jóhannesson Var traustur í hægri bakverði hjá Keflavík. Tókst nokkrum sinnum að trufla Njarðvíkinga þegar þeir voru að komast í góðar stöður. Atvikið Keflavík vildi fá hendi og víti þegar þeir vippa boltanum upp í hendina á varnarmanni Njarðvíkur af stuttu færi og auðvelt hefði verið að benda á punktin kannski en Helgi Mikael Jónasson dómari gaf strax merki um ekkert sem var að mínu viti hárrétt.

Hvað þýða úrslitin? Keflavík jafnar ÍBV af stigum á toppi deildarinnar en ÍBV eru með markatöluna á þá. Njarðvíkingar lyfta sér upp fyrir ÍR sömuleiðis á markatölu og upp í umspilsæti um stundarsakir hið minnsta. Vondur dagur Enginn einn sem fer hérna. Sóknarleikur beggja liða hefur séð betri daga. Látum þetta kannski bara liggja þar. Dómarinn - 9 Ekkert út á Helga Mikael eða hans teymi að setja. Fannst hann negla allar ákvarðanir í leiknum. Voru vissulega ekki margar en þær sem þurfti að taka voru réttar að mínu mati.