Það mátti sjá strax að Njarðvíkingar voru ögn stressaðari í upphafi enda að einhverju leyti þeirri stærsti leikur í sögu félagsins. Grindvíkingar fengu hvert færið á fætur öðru en Aron Snær markvörður Njarðvíkinga varði eins og óður maður og hélt sínum mönnum inni í þessu. Njarðvíkingar tóku svo forystuna um miðjan fyrri hálfleik og mátti sjá þá aðeins fá sjálfstraust við það. Í síðari hálfleik byrjuðu Njarðvíkingar af krafti en það voru Grindvíkingar sem settu tvö mörk á tveim mínútum og tóku alveg yfir leikinn. Undir lokin voru Njarðvíkingar búnir að henda öllu fram og náðu inn marki til að jafna leikinn en komust ekki lengra en það og sitja með sárt ennið eftir fyrir utan umspilið.

Annað mark Grindavíkur. Ótrúlegt hvernig svona stuttu eftir að hafa fengið á sig mark allt varð opið aftur fyrir þá til að snúa leiknum. Einnig hægt að nefna atvikið undir blálokinn þegar Grindavík eru þrír á markmann en renna boltanum framhjá markinu.

Njarðvíkingar misstu af umspilinu og enda í 6.sæti deildarinnar. Grindvíkngar enda í 9.sætinu.

Vondur dagur fyrir Njarðvíkinga að ná ekki að klára þetta og komast í umspilið eftir að hafa verið í umspilsæsti allt tímabilið. Allt reynsla sem fer beint í reynslubankann.

Solid sjöa. Einhver atvik hér og þar sem hægt væri að pikka út eflaust en ekkert sem hafði bein áhrif á úrslit leiksins.