Víkingar voru með öll völd á leiknum í fyrri hálfleik og hálfpartinn léku sér að KR-ingum, skoruður 3 mörk og svo var lítið sem gerðist eftir það. Víkingar settu bara í fyrsta gír og slökuðu á út seinni hálfleikinn, og sigldu þessum sigri heim.

Aron Sigurðarson fékk gult spjald fyrir leikaraskap á 54. mínútu leiksins. KR-ingar vildu fá vítaspyrnu í því atviki en mér sýnist Elías Ingi dómari leiksins hafa verið með þetta bara hárrétt.

Víkingar endurheimta efsta sætið í deildinni en þó bara á markatölu. KR er enn í 9. sæti deildarinnar aðeins 3 stigum frá fallsæti.

Það eru margir úr KR liðinu sem eiga heima hér. Alex Þór fyrir glórulausu sendinguna sem hann á þegar Víkingar fá víti. Axel Óskar var trekk í trekk að gefa boltan frá sér. Aron Þórður náði eiginlega aldrei að klukka Ara Sigurpáls. Svo verður Óskar Hrafn að vera gagnrýndur fyrir sitt upplegg. Þeir voru í maður á mann vörn sem gekk ekki vel, menn Víkingar voru að finna mikið pláss til að leika sér á frekar reglulega og það skrifast á Óskar.

Tvö stór atvik sem Elías neglir. Spjöldin öll rétt. Ég finn ekkert sem hægt er að setja út á Elías og hans teymi í dag, óaðfinnanlegt.