SKÝRSLAN: Rándýrt atvik
Hvað réði úrslitum?
Gæðin í Blikaliðinu. Þróttarar voru mikið meira með boltann og gerðu ekki nóg á honum til að skora eða skapa færi.
Bestu leikmenn
1. Samantha Smith
Hefur verið ótrúlega góð eftir að hafa komið til Breiðabliks og reynst þeim mjög vel. Mér finnst hún besti leikmaður deildarinnar. Kannski full langt gengið myndu einhverjir halda en ég er alveg á því að hún sé sú besta miðað við það sem ég hef séð.
2. Barbára Sól Gísladóttir
Mér fannst Barbára gera mjög vel í dag. Leggur upp eitt og getur gengið stolt frá borði.
Atvikið
Tvennt. Fyrra var í fyrri hálfelik þegar Freyja var tekinn niður og vildi fá brot og rautt sem var alltaf rautt spjald. Seinna var þegar Þórdís, 2008 módel, skoraði eftir að hafa verið inn á í kannski 5 sekúndur. Hlýtur að vera Íslandsmet.
Hvað þýða úrslitin?
Breiðablik trónir enn á toppnum eftir sigurinn á meðan Þróttarar eru neðstar í efri helmingnum eftir tvo leiki.
Vondur dagur
Þróttaraliðið var bitlaust fram á við. Ég veit að þær voru að spila á móti Breiðablik en þú verður að skapa þér einvher færi þegar þú ert svona mikið með boltann í leik í Bestu deildinni.
Dómarinn - 5
Mér fannst Bríet ekkert dæma þennan leik æðislega og teymið allt líka. Elín Helga tekur Freyju Karínu niður þegar Freyja er komin ein á ein gegn Telmu í markinu. Klárt brot og myndi breyta leiknum alveg. Rándýr ákvörðun.